هاااااااااااااااااااي
لو اعرف الجاي.. ماغامـرت بأحلامـي!!
ولا زرعت الامانـي.. ف أرض منسيـة!!
ولو اعزف ب ناي حزني.. باقـي انغامـي
تنشف على كفوف مزني.. قطـرة الميّـه!!
والبـرد.. لـو يحـس بشرهـة عظـامـي
ما كان يجرح ضلوعـي.. كـل فجريـة!!
ياغايب/ الجرح بعـدك.. صـار مترامـي
وانا آتحرى رجوعـك .. كـل عصريّـه!!
اتلحف ب شال دمعـي.. والحـزن خامـي
واتعطر ب شـوق قلبـي.. واجلـس هنيّـه
ارفـع يدينـي.. واشكّـل قلبـي الظامـي
وتصيـر ذيـك الغيـوم البيض..خلفيـة !!
وان غابت الشمس.. شفـت الهـم قدامـي
واشلاء ضحكة..علـى الاطـلال مرميّـه!!
ارجـع وشـوك المسافـه يدمـي اقدامـي
واحلام سودا.. ما هيـب أحـلام ورديّـه!!
آحس كنـي امثـل .. (مشهـد درامـي)!!
او كنـي آعيـش جـو..ف قصـة اغنيّـه
ف الليـل/ازرع علـى الشّبـاك احلامـي
ف الصبح/ما اجني سوى الأشواك ب ايديّه!!
حزني كبير.. وعميـق ..ومؤلـم ..ونامـي
يطغـى علـى بسمتـي.. العذبة..الطفوليّـه
كنه: ذهـول الهـلال اليـا رحـل سامـي
(وكنـه.. ذبـول الخيال..ف(شُرفـة بنيّـه)
هـذي( تعاليـل) جرحـي النازف..الدامـي
تعال/ليـل الجـريـح ونـزفـه شـويّـه؟؟
اصابعي/ ملّـت مـن الحـزن ف اقلامـي
واقـلام حزنـي اصابـع/ذلـت ايـديّـه!!
كلما ذكرتك.. احـس بشـي..ف اكمامـي
والقـاه دمـع يغنـي لــك/ وداعـيّـة!!
آصـد عنهـم.. واقلّـب ماضـي ايـامـي
وتبكي جروحـي شوي..وابكـي شويّـه!!
من قو صدمـة غيابـك.. قلـت لألهامـي:
(مابقـي الا اســوّي فـيـه/ مرثـيـة)!!
والحين قلي:من اللـي يجمـع حطامـي؟!!
وانا ف غيابـك.. تحطـم كـل مـا فيّـه!!
ما يكفي ان جرح بُعدك.. صـار مترامـي
ما تكفي دمـوع عينـي.. كـل عصريّـه!!
ما يكفي انـي ماعـاد آحـس ب أعوامـي
لأن عمري..رحـل مثلـك ..ابـلا جيّـه!!
والحين.. لازم تموت احلامـي ..مادامـي
زرعت ذيك الأمانـي..ف أرض منسيّـه!!
سالمين ..
