هلا والله بجميع أعضاء المنتدى ان شاء الله بخير
جايبة لكم اليوم قصة حلوة وتضحك ان شاء الله تضحكون عليها
واتمنى اشوف ردودكم
جلس ذلك الرجل على السرير الأبيض في احدى مستشفيات الخليج
وكان جسمه كله شاش ..ولا ورجلينه كلها جبس(يعني مكسر وحالته حالة)
وما تسمع منه الا آييي و آه ومدري وشو
وما غير تسمعه الا يون من الأوجاع يلي فيه
عاد انا قلت يمكن مسوي حادث قوي أو محترق أو..أو..أو..إلخ
المهم جت الساعة 4 العصر وجى وقت الزيارة
انا استغربت من شي غرييييييييييييييييييب واااااااااااااااااجد
كل من جاء يزور هالشخص يطلع وهو ميت من الضحك
انا جاني الفضول اعرف وش السالفة (انا مريض معاه في نفس الغرفة)
وعلى هالحال كل من جاء وسلم عليه ما تسمع الا ضحكهم من وراء الستاير
عاد انا قلت لازم اعرف وش السالفة
انتهى وقت الزيارة
وانقز له على طول
واتشافا له واتحمد له على السلامة
عسى ماشر ومن هالكلام
وانا كل همي اعرف ليش يضحكون؟؟؟.....
المهم قلت له:انا اشوف يلي يجونك ما يروحون الا وضحكهم واصل اخر المستشفى؟؟؟
قال لي:هههههههه ليش عاد انت حاسدنا على الضحكة؟؟
قلت له:لا ياخوي بس السالفة...والله لو عندك مليون كان يمكن احسدك!بس اضحكو عادي خذوا راحتكم
بس بغيت اعرف السر..يعني..اذا ماعنك مانع
قال لي:طيب ولا يهمك..انت مثل ماتشوفني مكسر ومربط بالشاش..
قلت له: ايه والله.. الله يشفيك..
قال لي: يا طويل العمر انا ساكن في شقة في الدور الثاني..وعندي بلكونه مامن زينها..
واذا نمت فتحت باب البلكونه..وطفيت النور..وتسدحت على السرير..
ويوم نمت على السرير..وغصت في اعماق اعماق نومي..حلمت اني في يوم القيامه..
وحلمت مثل ماتقول ان الناس في مكان مثل موقف الباصات
وفيه باصات رايحة للجنة وباصات رايحة للنار!!!!!
المهم الجماعة ينادون بالاسامي..فلان بن فلانه باص النار..فلان بن فلانه باص الجنه..وهكذا
فلان بن فلانه..هه هذا اسمي..وقلبي يدق ويدق....روووووح باص الجنه
اووووووووووووووووووووه الحمد لله ارتحت
ومشيت ادور على الباص المكتوب عليه الى الجنه..وحصلته ودخلت فيه..
مشينا بالباص.. وبعد فترة جاتنا لوحة مكتوب عليها (الجنه 50كيلو)(النار 100كيلو!!!!!!!!)
وهذا واحنا مع اللوحات..والله ونتعدى الجنه..قلت يمكن السواق يعرف باب ثاني(مختصر)..
شوي وشفت النار15 كيلو..وبعد شوي النار10كيلو
وكل شوي نقرب من النار..يا رجال وش السالفة..المشكلة الناس ساكتين وماحد متوتر في الباص الا انا
قلت بدخل على السواق..وشفته معطيني ظهره..
هيه!!!هيه انت وين رايح؟؟؟؟؟؟؟؟...!!!!!!!!!!!!!!!!!
قال لي بدون ما يلتفت :رايح النار ياحبيبي....
قلت له: انت وش تقول ؟؟؟انا من اهل الجنه.. يا وجه النحس....!!!!!!!
و التفت لي.......ويطلع هو ابليس....!!!!!!
الله يلعنك......انا من اهل الجنة...يا ملعون لا توديني النار
انا من اهل الجنة...والله العظيم انا من اهل الجنة....
توهم من شوي قايلين اسمي..يا ملعون وقف..وقف ياملعون..وهذا انا اصورخ
وابليس بانواع الضحكات الشريرة:هاهاهاهاهاهاهاهاهاها..هه هه هه هه هه ..هاهاهاهاهاهاهاها
قلت له :ياملعون وقف!!!!..ابي انزل!!
قال ابليس: والله الباص هذا مبرمج على انه مايوقف الا في النار..تبي تنزل اقفز منه..
وركضت على الباب وفتحته: واطب وهوووووووووووووووووووووووووووووووووب
ولا وعيت الا وشفت نفسي ..في المستشفى... طاب من البلكونة الى الحوش!!!!!!!
ان شاء الله عجبتكم القصة؟؟؟؟؟؟؟؟اتمنى اشوف ردردكم....
