ما تغيَّر شي .. لكن .. صار فاضي هالمكـان
يعني إنتَ شفت قلبي طحت مِنْ عيني وعينـه
ليه مستغرب كلامي وليـه أعطيـك الأمـان
وليه تَكْذِب في كلامك العـذر وينـك ووينـه
ما ألومك كان قلبـكـ ثـارت أمواجـه وخـان
الخطــا منَّي لأني صرت فـي بحـرك سفينـه
والسؤال اللَّي كتمته وما نِطَـق فيـه اللسـان
كيف إيدك إطعنتني وآنا أحْسِبْهَـا أمينـه ..؟
جرحي ما يرضيهقلبكـ لو يجـي كلِّـه حنـان
لو تبــوس الجرح فيني ولـو تقبلهـا إيدينـه
يُوم أحبكـ قلت كلمه : [ يكرَم المرء أو يُهان ]
وإنتَ قلبي ما كرمته وما قدرت إنِّـك تهينـه
( عزِّتـي ).. ما هي جديده آنا شامخ من زمان
إغسل إيدك من رجوعي وروح يا إبن اللذينه
طاب خاطر قلبي منِّك وهذي الفرقـى رهـان
وحتَّى لو قلبي يحبـك ربِّـي بفراقـك يعينـه
كنت تخطي وكنت أسامح مرَّه مرتين وثمـان
أدمح الزله عشانك وأكتـم أنفـاس الغبينـه
كنت أحبكـ وكنت أعزكـ والغلا فينـي جبـان
اخاف تزعل لو ألومك ضعت ما بينـك وبينـه
في عيون الناس عادي بس في عيني جنـان
وكان قلبي من يشوفك تفضحه نظـرة حنينـه
ماني أوَّل من يحب ومنتَ آخر شخص خـان
المحبه في زمانك بحـــرها من غيـر مينـه
الفشل .. كان النتيجه وأعتقـد آن الأوان
بني مستقبل حياتي وأنسى قصتنـا الحزينـه
وخطوتي الأولى غيابك وراح أطبقها عشـان
يبكيقلبكـ لا فقدني والندم .. يملـي سنينـه
جاي تسأل عن مكانك !! هو بقى فيني مكان ؟؟
الله يرحمها المشاعر اللي كانت لـك رهينـه
قلت لك قلبي [ مدينـه ]فيها لك حشمه وشان
لكن إنتَ الحين أغرب شخص في هذي المدينه
![[ كـــآن لك قلبي مدينه ولاحظ إني قلت : (( كان )) ] 5510](https://i.servimg.com/u/f27/11/66/67/10/5510.gif)
![[ كـــآن لك قلبي مدينه ولاحظ إني قلت : (( كان )) ] A7la-girl8d0f0e9300](https://2img.net/h/www.a7la-girl.net/up//uploads/images/a7la-girl8d0f0e9300.gif)
![[ كـــآن لك قلبي مدينه ولاحظ إني قلت : (( كان )) ] A7la-girl05e5b420f5](https://2img.net/h/www.a7la-girl.net/up//uploads/images/a7la-girl05e5b420f5.gif)