هلووووو ...
بدون مقدمات والهرج الكثير ماله داعي ... نخش في صلب الموضوع ...
ألا إنت سولف لي عن أحوالك وخل عنك القصيد ..
يعني وش اللي في غيابك راح أقوله وأكتبه ..
شعري على حطة يدك في غيبتك ما من جديد ..
البيت من قبل أكتبه أحاول إني أشطبه ..
دامك تعرف إن الشعر لا يقنعك ولا يفيد ..
إستوعب حظوري وهو إنساه لا تستوعبه ..
ركز معي الله يرضالي عليك ولا تزيد ...
الهم هم وعدني ضيف نويت توجبه ..
مابيك من بعد الجفا ترجع لي بقلب بليد ...
حسسني بشوقك ودمعك من عيونك اسكبه ...
ضيعني بشهقة بكاك وجيب فيني ألف عيد ...
بحكيك اللي حافظه ولا عرفت ترتبه ...
هي كلها هالساعتين وبعدها ببقى وحيد ...
لا تشح بشعورك علي ولا اتمادى وانتبه ..
لاشفتني سجيت عنك فيك جودني من إيد ...
قلبي ووصلني لقلبك برضاه أو إغصبه ..
هذي سنة إن ما سكنت القلب مسكنك الوريد ...
ونفس السنة مرت وحقي فيك ضايع وأطلبه ..
ياآدمي مادام نظراتك بإحساسي تشيد ...
لا تترك أسألتي تموت بك ولا لقت بك أجوبه ...
ليه أنت راضي بالعناد ؟؟؟ وبالرضا تصبح عنيد ...
ليه إتساهل بالجفا ؟؟ ليه الوصل تستصعبه ؟؟
ليه أتمنى الموت في بعدك وأحس إنه بعيد ؟؟
وليه أشعر إن الموت في لحظة وصولك مقربه ؟؟؟
وليه أعتبر نفسي إذا ببحني لك شوقي شهيد ؟؟؟
ولاأنت حتى الشوق لا ردك علي تستغربه ..
جاوب وريحني وانسى كل شي ولا تعيد ...
سؤالك عن شعر شطبته من قبل لاكتبه ...
وسلامتكم ...
