هلا والله فيكم ...
اليوم جبت لكم مقطع من قصيدة الذهب إلأى حامد زيد .. الشاعر الكويتي ... وطبعا أنا أموت عليه وعلى قصايده وهذي القصيدة بالتحديد ... اقروها وقولوا لي رايكم فيها ....
يا كثر ما رافقت خلان وأحباب
ويا كثر ما في شدتي هملوني
على كثر ما أعدهم ستر وحجاب
على كثر ما احتجتهم واتركوني
من صارت الخوة ثمن حفنة تراب
نفس الوجيه اللي نصوني نسوني
من غير ذكر عروق وفروق وأنساب
كانوا ثلاثة والثلاثة جفوني
علمتهم وشلون الأهداف تنصاب
ولما سواعدهم قوت صوبوني
عشاني أصغرهم عمر صاروا أحزاب
عشاني أصدقهم قصيد اظلموني
اللي نجاح اسمي زرع فيهم أنياب
حتى النصيحة ما بغوا ينصحوني
دام العطايا عندهم دين وأتعاب
والله لو أطلب ذنبهم ما عطوني
طالب نصيحة كني طالب رقاب
وهي نصيحة .. كيف لو زوجوني ؟؟
كنت أكتب لنفسي مشاريه واعتاب
ولا أدري إن اللي قروني قروني
