)()( وش مسوي مع غيري !! وش الدنيا بقربه قول ؟؟ )()(

عدد الرسائل : 2641 العمر : 33

هالووو ..
اليوم انشالله بنزل لكم أول بارت من آخر رواية لي ..
وبصرااحة يعني روايتي هذي ممكن تسمونها "" المنحوسة "" لعدة أسبااب
**,
المهم .. أخليكم معاها وانشالله تعجبكم ..
..................

قعدت بالفجر .. والوقت لساه بكير ..

ما طلعت الشمس زين ..

الضوا خفيف بالمرررة ..

ما في أي نور بالغرفة غير نور اللاب توب المفتوح قبالها ..

شعرها منكوش ورابطته على فوق .. والمناكير ملونة أظافرها كل ظفر لون ..

التكييف ع الآآآخر بااارد .. .عز الصيف .. لابسة بلووزة صوفية بيج مع فرو بالقبعة اللي بالبوزة .. ماركة قس ..

تموووت ع الماركة هذي .. وأغلب ملابسها منها ..

أيدينها تخططت بالأحمر والبنفسجي من البرد ..

مع البرمودا الجينز اللي خلاها تفقد الإحساس بأطرافها ..

ولساها تحرك أصابعها المرتجفة بسرعة خطييرة .. وبعفوية لأنها تدل أماكن الحروف من غير ما تطالع بالكي بورد ..

تطق عليه صار لها من بعد صلاة العشا .. ما تحركت من مكانها مربعة على سريرها .. وجنبها صحن الجح "" عشان الدايت ""

وبأذنها سماعات الأغاني .. مودها هاليومين انجلش .. اكون على ذا بلو باند وباك ستريت بويز .. بس ملللت كثير ..

وراحت لعبد المجيد وغريس ديب ..

اهتمامها بنفسها ..... مش ولا بد .. تحب نفسها وفيها غرور خلللقة ..

ما تقدر تبعد نظراتها لنفسها .. تعشق وجهها لمن يكون متجهم ولا كأن شي عاجبها ..

تحب لما تزم شفايفها ويبان فمها الصغير أصغر ..

تحب لما ترفع حاجب وتطالع بالناس باستصغار ..

بس هي مو كذا ..

أبدا مو شخصيتها الغرور والتكبر ..

بس مشكلتها إن شعارها بالحياة ...

I love me ..

وحيدة بالبيت .. ما معاها ولا أحد .. أهلها مسافرين .. وهي ظلت بتلحقهم بعد كم يوم ..

تخرجت من ثانوي قبل كم أسبوع بسسس ..

ما عندها أي شعور او احساس ..

أقرب إنسانة لها .. وأعز صديقة .. راحت منها وانخطبت وارتبطت بالإنسان اللي تعتقد إنه فارس أحلامها ..

وهو اللي رح تظل معاه واللي رح يسعدها لآخر حياتها ..

طبعا ريما كالعادة .. ما اعجبها الوضع .. وما اعجبها ناصر خطيب حنين صاحبتها ..

يعني هي كانت تتمنى لصاحبتها الغني .. الحلو الشباب .. اللي يقدر يسعدها ويطيرها بالسما ..

رغم إن ناصر حلو .. وشاب .. بس فرق العمر بينه وبين حنين كان كبير شوي .. ما كان مشكلة ولا كان واضح ..

صحيح حالته المادية على قد حاله .. بس عيشته زينه .. ومو ناقصه شي ..

حنين مو من النوع الطماع وقبلت فيه لأنه ببساطة رجال ما ينرد .. ولا في رجال يعوفه لبنته ..

ريما مو مرتبطة ..

ولا عندها شي بحياتها ..

تحب .. وتعشق .. وتمووووت بأم جابت حبيبها .. وبلحظة تقرر إنها تكره .. ومو هو اللي يستحق حبها ..

وللا يستحق إنه ياخذ تفكيرها وعقلها ..

ومثل ما تقول "" لسا مانولد اللي يطير لي عقلي .. وياخذني من حياتي ""

.......

اليوم.. رح تركب الطيارة بروحها .. وتمشي لماليزيا .. هناك أهلها راحوا الأمس ..

قبل امس راحت للجامعة وقدمت أوراقها وتم قبولها .. وعشان كذا ما سافرت بنفس الوقت مع اهلها .. كانت تتنتظر القبول بجامعة الملك فيصل طب .. بعدين تقدر تسافر وتصيف براااااحتهاااا ..

ما رضت لأي أحد يكون معاها .. تحب تكون بروحها .. حتى الخدامة ما تبيها ..

تحب تعيش الجو ظلمة .. وباااارد .. مثل برود قلبها ..

ما عندها أي شعور يفرفشها ..

مو مستقرة بداخلها ..

تحس إن في شي غلط بحياتها ..

في شي غلط فيها ..

بينها وبين نفسها .. ولمن تقعد بروحها .. تحس كأن فيها شوية عربجة .. تحس حالها دايم معصبة وأعصابها مشدودة ..

تتخيل حالها دايم بمكان الولد ..

تطرد هالأفكار دائما من بالها .. وتروح تحط لها ميك أب وتدلع نفسها ... هي بنت بنت بنت ..

ولا أي فكرة ممكن تغير هالشي من بالها ..

جوالها الآي ميت جنبها .. تحبه ومستحيل تغيره ..

خلفيته جيتار أحمر خلفيته أسود .. والجوال أسود ..

ما تحب الحوووسة والخرابيط .. معلقة فيه خيط تبع الجوال أحمر .. وبس .. وماخذته من ولد خالتها بعد ...

الجوال يرن .. محطوط عالهزاز .. تطالعه بطرف عينها .. متسمرة فيه ..

تطالعه يرن قدامها .. ما حركت نظرها عنه إلا لما وقف ..

رجعت نظرها للاب توب وهي تحرك رقبتها بعربجة ع الأغنية العراقية اللي تسمعها "" إلا ابكيها ""

المقطع اللي تحبه

((( احنا شبينا عمي ما نعجبك .. هم احنا بشر الخالقنا ربك

صدقني الثقل باكر يتعبك .. علي بايع ثقل باكر اندمك ..

وشي يخلصك إذا توقع بيدينا )))

والمقطع الثاني اللي تموووت فيه

(( إلا أخليها على بابي تنتظر .. إلا أشوفها أنا نجوم الظهر ..

إلا أخليها على بابي تنتظر .. إلا أشوفها نجوم الظهر

إلا أخلي دموعها تنزل مطر

إلا أخلي عيونها تدمع جمر

قبالها وبغير وحدة أتغزل ))

ما تحس حتى بحقاررته اللي يقول كذا كلمات وهي بنت ..

ما تحس بالألم لما تشوف الأخبار إن كذا ناس ماتوا وللا انحرقوا ..

لما تقرا رواية وتشوف فيها شخصية حقيرة .. تكون هذي أقرب شخصية لقلبها ..

........

تجيها حالات كثير تفهي ..

تظل تطالع خاصة بجوالها لي رن .. تطالع فيه ... ومن غير ولا حركة ... ليما يسكر اللي يحاول يتصل فيها ..

ما تحب تتكلم .. تحب تسكت .. تتأمل .. تطالع بالأشياء بتفحص .. تضيق عيونها عالشي ..

ترمش ببطء .. وتبعد نظرها .. أكيد مو عاجبها ..

وللمرة المليون تلتفت ع الجوال .. يرن

‘’ my mistake ‘’ is calling you

غمضت عيونها .. ارتعشت .. بدون احساس .. راحت لعند دريشتها بسرعة .. بركضة ..

رفعت الستارة .. وطلت .. ومثل ما توقعت ..

سيارة فضية مصفوطة .. وشاب طويل .. واقف براها .. متسند ع السيارة يطالع بدريشتها كأنه ينتظرها تطلع له ..

وبيده الجوال يطالع فيه ..

بعد شوي سمعت صوت جوالها يهز ومحطوط ع الطاولة وطلع صوته ..

لفت تطالع فيه وهو يتحرك مع الهزاز ليما طاح ع الأرض ..

وع السيراميك انفتح غطاه وطلعت البطارية ..

ريما ابتسمت .. هذا اللي كانت رح تسويه لو ما طاح ..

حكت أنفها مثل المحششين .. ورجعت تطالع في روميو اللي واقف برا .. اللي ميت في دباديب قلبها سيف ..

تنهدت .. ورجعت لعند اللاب توب ..

أرض الحجرة مرررة باردة .. بدون احساس مشت من الدريشة للاب توب .. وقعدت .. وطنشت سيف الواقف برا ..

[/center]

عدد الرسائل : 2641 العمر : 33

($*^ سيف ^*$)
.. وينك ريما .. حبيبتي .. ردي ..
سيف عشقان ريما .. يعرفها من 7 شهور .. معاه طول الخط .. تلعب عليه .. وتلعب بمشاعره .. هي تحبه بس تجرحه ..
تقلب بقلبه بين ايدينها ..
ساكن بمنطقة بعيدة وكل فترة يجي بس عشان يشوف دريشتها .. وهو يدري إنها واقفة وراها ..
تكذب عليه ..
مرة تقول إن عمرها 15 عشان يناسب مع عمره "" 19 "" يعني هو بعمرها الحقيقي .. وقدددها بالضبط ..
وإنها تحبه وتموت فيه ..
ومرة تقول إن لا .. اللي قالته مو صحيح .. وإنها عاملة فيه مقلب مع صاحباتها وإنه كان مسخرة الموسم ..
(($*^ ع المسن " من فترة " ^*$ ))
سيف :: هلا حبيبتي ..
ريما :: هلا ..
سيف :: كيفك ؟؟
ريما :: ماشي الحال ..
سيف :: شفيك ؟؟ اليوم مو مثل كل يوم ؟؟
ريما :: وهو مداني اقول كلمتين عشان تقول إني اليوم مو مثل كل يوم ؟؟
سيف :: لا جد .. صاير معك شي ؟؟ شفيك ..
ريما :: سيف ابقول لك ايش الأشياء المميزة فيك .. انت مرة سألتني وما عرفت أجاوبك .. بس الحين بقول ..
سيف :: اوووك ..
ريما :: أولا .. غبي ..
سيف سكت فترة طويلة .. يكلمها ع المسن من جواله .. وقاعد بالسيارة ومعاه أخوه وشلة أخوه .. هو مو من النوع الاجتماعي أبدا ..
مفهي .. وش اللي تقوله !! يمكن تمزح معاه .. بس في أحد يمزح كذا !!!!!!
ريما ملت من سكوته وكملت :: وجبااااان .. والأهم خكري ...
ريما تبي تقول شي بعد .. تبي تذم فيه وتكسر فيه بعد .. كانت مجهزة الكلام اللي تبي تقوله .. بس مع سكوته ضاع كل شي ..
ما عرفت وش تقول ..
ريما تكمل :: اووكي!! هذا كلله فيك ..
سيف :: اوكي .. وايش بعد ؟؟
ريما :: اووه .. يعني اللي قلته مو كفاية فيك ؟؟
سيف :: ريما فيك شي ؟؟
ريما :: انا مو ريما .. انا اسمي حنان .. اوووكي ؟؟ حناااااااااان ..
سيف :: وش صاير ؟؟
ريما :: امم .. تبي اقول لك بالضبط وش صاير ؟؟
سيف سكت منصدم ..
ريما :: اللي حاصل بالضبط .. إنو مرة كنت أنا وصحباتي طفشانين .. وقلنا ماكو احد غبي غير سيف نلعب عليه .. خبرك .. أنت كنت تكلم صاحبتي قبلي وللا ناسي ..
سبحان الله مدري ليه انا اللي توليتك ..
بس تدري .. كنا عاملين اكشن وحب ورومانسية .. كنا نسهر انا والبنات ونعمل حفلة بيجامة يعني ننام كلنا في بيت واحد .. ونراسلك .. يعني نتسلى فيك .. ونضحك .. عارف سيف .. كنا نضحك من قلب ..
سيف :: احم ... خلاص مقدر .. بطلع .. مع السلامة ))
سيف طلع مصدوم .. هذي ريما اللي حبها وعشقها .. وكان يكلمها بنص الليل .. ويضحكوا .. كانوا يسكتوا .. وهو يكتفي يسمع انفاسها ..
كان هو اللي يضحكها .. وهو اللي يخليها تحس بوخزات بقلبها ..
هو اللي حبته .. وللا اعتقدت إنها تحبه !!!!
بس الأكيد .. إنه عشقها من قلب وبضمير ..
كان ينصدم مرة ورا مرة باللي تقوله .. بس مع كل هذا .. ما كان مستعد يتخلى عنها وهي جزء كبيير من حياته ..
رجع يكلمها .. معليش .. هي سوت فيه مقلب بايخ .. وهو مسامح .. قالت له إنها أكبر منه قال مو عيب ..
قالت له هي مرتبطة ومخطوبة لولد خالها أحمد .. قال لها ابكون صديقك وبس ..
كملت معاه .. على إنها الصديقة .. كانت تطلع منه بالغلط .. يقول لها ساعات قلبي .. ساعات حياتي .. ويسحبها ..
تجرحه أكثر .. وبوسط حكيه تقطعه وتقول باي بطلع مع أحمد .
في كل سالفة تطري أحمد "" اللي ماله وجود .. ولا خطيبها ولا شي من عقلها "" .. عشان تجرحه .. وتبين له إنها عند رجال ثاني ..
كان يتحمل ويسكت .. لأنه ما يتخيل حياته بدونها ..
............
سيف ما مشى من عند بيتها ..
وهي رجعت قعدت قبال اللاب توب مو قاعدة تسوي شي ..
تطالع بالشاشة وهي مفهيه ..
صوت الأغاني الواضح من الهيد فون مالي الهدوء ..
أصوات المسن اللي تتطلع من الناس اللي يكلموها .. واللون البرتقالي تحت يروح ويجي ..
ما غيرت نظرتها .. ظلت ... ما تدري ايش تسوي .. وهي بهالبيت بروحها .. شوي .. وارتعشت ..
بلت شفايفها .. وعضت عليها ..
قامت بكل هدوء .. شالت قلادتها من عليها وساعتها ..
فتحت الزمام تبع بلوزتها الصوفية .. وشالتها .. وشالت البودي البرتقالي اللي كانت لابسته .. مشت لعند المغاسل اللي بحجرتها .. تطالع بوجهها .. وبشترها اللي تخططت من البرد ..
بإهمال نزلت شعرها الحرير .. ونزلت كشته اللي بالموت سوتها ..
عيونها ذبلانه .. صار لها مدة طويلة مو نايمة .. متعودة ..
دخلت وفتحت الماء بالبانيو ع أبرد شي ..
ونزلت فيه .. غمضت عيونها وهي تحس بالبرودة واصلة لعظامها ..
ظلت فيه عشر دقايق .. بعدها .. ما عادت تقدر تتحرك من البرد .. أطرافها متجمدة ..
تحس بأصابعها رح تتكسر ..
قامت بثقل .. لفت الروب بإهمال وبدون ما تزمه زين .. حست بدوخه براسها ..
الساعة 7 الصباح ...
المفروض بعد نص ساعة تطلع للمطار .. بالموت رمت نفسها ع الصوفا تبعها .. أهم شي تبعد رجلها عن لمسة الأرض الباردة ..
غمضت عيونها ..
ما امداها تغفي .. إلا ورن تلفوون البيت .. ما استغربت .. وراحت ترد ..
ابو ريما محمد :: هلا بابا ريما ..
ريما بتعب :: اهلين بابا ..
من سمعت صوت ابوها حست بالدموع تتجمع بعينها ..
محمد :: شفيك بابا ؟؟ صوتك مو طبيعي ..
ريما وصوتها متقطع غصب عنها :: لا .. بـ..ـس الحـ..ـين طـلـ...عـت من.. الشاو ر..
محمد :: ريما ....؟!
ريما نزلت دموعها وحست بالثقل راح من عليها :: خلاص بابا لازم اتجهز عشان امشي ..
محمد :: اوكي حبيبتي .. اول ما توصلين لمطار ماليزيا تلاقيني بوجهك .. ولما تنزلين بقطر حاكيني ماشي ؟؟
ريما تهز راسها :: اوك ..
سكرت على طول .. مسحت دموعها بعصبية ..
تدري بقلبها إنها تحبه .. وتموت فيه ..
تدري إنه يغليها أكثر من حياته وهي تغليه ..
بس .... مو هي اللي تحبه .. ومو هو اللي يسرق قلبها ..
بسرعة سكرت اللاب توب من غير ما تطفي البرامج المفتوحة ..
وحطته بشنطتها شانيل السحب تبع السفر ..
ومع الشاحن تبع اللاب توب ..
لبست ملابسها ع السريع .. وحطت لها لبسة تلبسها بقطر عشان ما تروح ماليزيا بعباتها ..
بنفس الشنطة اللي فيها اللاب توب ..
سكرتها وباقي اإراضها عند أهللها مخففين عليها عشان ما تحمل أشياء كثييرة .. وتبهدل ..
لبست عباتها .. ولفت اللفة .. ولبست النظارة الشمسية .. وسماعات جوالها الآي ميت بأذنها ..
وأغنية آسفة لغريس ديب .. تتمنى تهديها لسيف ..
(( جرحت فيك .. كذبت عليك
خنتك .. وسبتك .. غدرت بيك
كسرت فيك .. جنيت عليك
وشوهت حبك .. وافتريت
ماعرفش اللي جرا لي .. ماعرفش ليه
ما جرا له للي جرا لي .. اعمل ايه !! ))
والمقطع اللي يجننها ..
(( آسفة ...
آسفة حبيبي .. ارحم زماني .. أنا آسفة عله
آسفة وآسفة .. يا حبيبي آسفة .. ترحم كلامي
ذنبي ماقدرش عليه ..
آسفة .. آسفة حبيبي ..
ارحم زماني .. أنا آسفة عليه ..
آسفة وآسفة .. يا حبيبي آسفة ..
ترحم كلامي .. ذنبي ماقدرش عليه ))
ريما علللت ع الصوت .. خاصة لما تقول غريس بصوتها العجيب آآآسفة .. مو طبيعييييييي ..
ركبت السيارة الليموزين من الخطوط القطرية .. تمرها عشان توصلها لمطار البحرين .. ومن هناك تطير على قطر وبعدين من قطر ع ماليزيا ..
^* وش قصة سيف ؟؟ شو رح يصير لها بسفرتها ؟؟؟ *^

عدد الرسائل : 2641 العمر : 33

........................................................
منسدح بوسط المجلس .. وجنبه المعسل .. وقدامه التي في الكبير ..
وفلم "" جمبر "" ومندمج معاه ..
عاجبه .. ماشي حاله الفلم يعني ..
بروحه .. ما معاه أحد ..
من البارح وهو ما شاف وجه مخلوق .. والحين الساعة 8 الصباح ..
غررريب لهالدرجة نسوه اللي بالبيت ..
طلع من المجلس .. وتحت عينه أسووود .. واضح مع بياضه .. شعره !!
وين شعره .. شعره محلوووق ع الزيرو ..
ضعيييف مرررة .. ولابس ثوب نوم أسود ..
مشى بوسط الصالة بخطوات بطيئة .. ما شاف أحد ولا يبي يشوف أحد ..
راح للمطبخ الصغير المرتب ..
صالح في باله (( يا حليلها دلوعتي .. مرتبة كل شي قبل تنام )) ..
التفت صالح على صوت يناديه ..
طفل صغير .. عمره 4 سنين .. ملسون .. حلو .. قصيييييير مرررة ..
وللا يمكن يبين قصير قدام طول أبوه ..
فارس .. انولد بعد تسع شهور بالضبط من زواج صالح بداليا .. دلووعته اللي عمرها ما شافت الدلع منه ..
فارس :: بابا .. جوعاااااااان ..
مد فارس فمه وهو نافخ بطنه ويطبطب عليه عشانه جوعان من الصبح ويبي فطور ..
صالح نزل راسه ويحس كأنه قاعد يطالع ع الأرض .. من قصر فارس ..
يطالعه ما يدري وش يقول هذا وللا وش يبي !!
صالح :: ها يا فراس مدري فارس .. وش تبي بابا ؟؟ (( والله حرام انا ابوك .. انظلمت فيني يا ولدي ))
فارس :: ابي فتووووور (( يبي فطور ))
صالح مفهي بوجه ولده :: تدري انا وش مصيبتي .. مصيبتي إني احس باحساس غريب اتجاهك تدري وش هو ؟؟
وقعد صالح ع الأرض عشان يصير بمستوى ولده ..
فارس فهم إن الحكي اللي قاله أبوه فيه سؤال .. وهو مفهي هز راسه لا وهو مو فاهم شي .. وهو يحك راسه ..
صالح وهو يضحك :: تسكتني مع وجهك .. تعال نروح نغث أمك وش رايك ؟؟
وحمل صالح ولده بدون شعور .. وراح يركب فوق ..
فتح باب حجرة النوم بقوووة متعمد عشان تصحى داليا .. عارفة حركاته من زماان .. يعني .. صحت من النوم بس ما تحركت .. ولا بينت إنها صاحية ..
فارس نزل من عند أبوه وراح لعند أمه .. وحط راسه جنب راسها ع المخدة يطالعها ..
صالح :: وتدري وش مصيبتي الثانية بهالدنيا يا فارس .. إني أحب هالدلوعة اللي نايمة هنا ..
داليا سمعته .. طول عمره كذا .. اوكي ينحز إنه يحبها .. ينحز .. يقول من وراها .. بس مستحيل يقولها لها .. يا داليا أحبك .. استحالة ..
داليا تأففت .. ولفت وجهها ع الجهة الثانية ..
صالح درا إنها سمعته :: قومي قومي بس بلا تمثيل .. ولدك يبي ياكل ..
داليا فتحت عيونها وهي بمكانها .. ولا تكلمت ولا ردت عليه ..
صالح بعده واقف عند باب الحجرة .. طاردته الأمس .. ما تبيه .. ما دخل ويقول يعني محترم رغبتها .. متسند ع الباب .. ومتكتف ..
صالح :: حرام عليك شوفيه حبيبي جوعان ..
داليا رفعت وهي معصبة :: والله حبيبك جوعان انت عطه ياكل .. كلها كورن فلكس وحليب ..
صالح تمغط بمكانه .. ودخل الحجرة ورما نفسه ع السرير :: لا عاد .. انا من الامس مو نايم .. تعباااان ..
داليا تأففت .. وقامت وهي حاملة فارس :: خلاص حبيبي .. أنا احط لك فطور الحين .. روح اسبقني لتحت ..
فارس :: اوكي مامي ..
داليا قامت تبي تمشي بس وقفها صوت زوجها المصون صالح :: دلوووعتي ..
داليا تجيها ضحكة لي ناداها دلووعتي .. ابتسمت غصب عنها :: خير ؟؟
صالح وهو مغمض عيونه :: غطيني ..
داليا :: خير ؟؟.!!!!!!!!!!!!!!؟؟؟
صالح وهو يقطع الكلمة يقول يعني عشان تفهم :: غـ..ـطـ..ـيـ..ـنـ..ـي
داليا وقفت مكانها ..
صالح بدون ما يفتح عيونه :: يالله اسرعي دلوعتي بردان ترا ..
داليا ابتسمت .. هالإنسان مو طبيعي .. وراحت نطت ع السرير عشان تزعجه ..
وسحبت الغطا من تحت عشان تحركه وينزعج أكثر .. صالح مع سحبها الغطا وهو نايم ع الطرف طاح ع الأرض ::آآآآآه
داليا :: يممممممممممممممممه ..
داليا عضت على شفاتها وهي بمكانها ..
صالح رفع وظل قاعد ع الأرض وقال بصوت هادي :: داليا ..
داليا بصوت هادي وهي ما تشوف وجهه :: خير ؟؟
صالح بنفس النبرة :: تعالي شوي ..
نزلت من ع السرير وراحت لعنده .. وقفت قريب منه ..
صالح بهدوءه :: تعالي قربي هنا ..
داليا قربت لعند صالح ويدها على شعرها توديه ورا أذنها ..
صالح باسها بخدها بسرعة .. وضحك وبانت وسااامته اللي تذبح وطلع طقم أسنانه اللي تلق ..
أما داليا .. رمت حالها بحضنه وضمته :: آآآآآآآف مننننك ..
^* شو رح يصير لفارس مع المراهقين أهله ؟؟ وشو رح يصير لصالح ودلوووعته *^
.....................
الساعة 9 الصباح .. وحنين نااايمة بالعسل ..
الغرفة باردة شوي .. بس الشمس جاية على وجهها .. تتأفف كل شوي وتلف على جهة غير ..
تلف يمين الشمس بعينها .. تلف يسار أخوها الحلو متعب نايم وصوت ""شخيره"" واااصل للدمام ..
قامت حنين تتأفف .. عيونها مليانة نووووم .. وشعرها ملخبط .. البارح بس كانت خطوبتها ..
تذكرت هالشي وابتسمت ..
على طول طالعت بالكومدينة جنبها .. لقت دبلتها .. أخذتها وحطتها باصبعها .. تنهدت .. وهي تتذكر البارح ..
البارح بس ارتبطت .. البارح انتقلت من عند ابوها لزوجها ناصر ..
يممممه ناصر .. يجنن هالرجال ..
تذكرت حنين البارح لما كانت مع ناصر يلبسها الشكبة .. طلعت ريما من الحفلة زعلانة .. ما درت وش فيها .. وما مداها تكلمها وانضغلت مع ناصر ...
طالعت الساعة ..
الحين المفروض ريما بالبحرين .. اتصلت .. والرنة دولية ..
........
ريما كانت قاعدة بمطار البحرين .. رجل على رجل .. وكوب الكوفي قدامها .. والسماعات ما فارقت أذنها .. تنتظر موعد رحلتها بعد ربع ساعة .. تركب الطيارة ..
رن الجوال ع الهزاز .. ومحطوط ع الطاولة جنب الكوفي ..
طالعت فيه .. (( حنين .. غريب .. تذكرتني بكير .. ما توقعت أجي على بالها إلا بعد سنة سنتين .. شاغل بالها هالناصر .. ))
ما تبي ترد .. بس ما تقدر ما ترد على حنين .. هذي حنيييين مو أي أحد ..
ريما بدون نفس :: هلا ..
حنين مبسووطة :: أهلييييييييين رورو ..
ريما :: صح النوم ..
حنين :: صح بدنك .. وينك ؟؟
ريما :: يعني تستغبين .. تدرين إني بمطار البحرين ..
حنين :: طيب شفيك كذا معصبة ..؟؟
ريما :: خلاص خلاص .. ما فيني شي .. يالله باي بمشي للطيارة ..
حنين ببراءة :: باي ..
سكرت حنين وهي مستغربة عصبية ريما الزايدة من درت إن في واحد متقدم لحنين ..
...
ما اهتمت حنين كثير .. وراحت تتحمم .. وتلبس وتكشخ .. عشان بأي وقت يمكن يجي ناصر ..
.................
أما ريما .. رمت جوالها بالشنطة .. وخلته سايلنت .. خلاص حتى ع الهزاز مزعجها ..
وكبت الكوفي عمدا ع الطاولة ومشت عنها .. مزاجها منعفس ..
^* ليه ريما زعلانة على حنين ؟؟ وكيف رح يكون ناصر ؟؟ *^
& الجزء الجاااااااي &
[][][]:: شرايك نشتري شي حق خطيبتك ..
عفس وجهه :: منهي ؟؟ رنيموووه ؟؟
ماتت ضحك :: الحين تأكدت إنك ما رح تتزوج وتنساني ..
يتحلطم :: أي والله .. الحين الواحد متزوج .. يبي حركات .. يبي حنااااان .. احنا فاقدين حنان .. مو شايفين خير .. نبي رومانسية .. على كذا عمري ما رح أجيب عيال .. [][][]

عدد الرسائل : 2641 العمر : 33

البارت الثاني ..
.........................................................
تدندن .. وهي ماشية بهالمجمع من الصباح .. فاضي .. لو تتروش بالوسط محد حولها
السماعات بأذنها .. أغنية ملحم زين " ردوا حبيبي " وهي تهز جسمها ع الألحان .. مصدقة حالها محد حولها ..
متحجبة مزبوط .. عباة على كتفها مزخرفة بلون داكن خفيف .. وجزمة ناعمة كعب واطي ..
هي كلها ناعمة .. بس ما خربها إلا رجتها .. وهقلتها ..
بالمجمع مع أخوها .. يبي يشتري له أجهزة الكترونية .. بطراااان الولد ..
وجاية تخاويه يمكن يتذكرها بشي ..
بس أخوها العربجي .. يفتشل حرمة تمشي معاه .. وكاشفة بعد !!!!
فهي بطريق وهو بطريق .. ماشي الحال .. المهم تطلع من البيت .. الإجااازة مرررة مملة ..
بوسط الأغنية رن الجوال .. ضغطت ع البوتن اللي بالسماعة وكلمت ..
سارة :: هلاااااااا ميمي ..
ماجد أخوها :: ماجد اسمي يا معفنة .. وينك سوير ؟؟
سارة تقلده :: سارة اسمي يا معفن .. انا عند ديييزل ..
ماجد :: عسى ديزل يشب فيك بس قولي آمين ..
سارة :: آمين يا رب وش ابي من هالدنيا .. لا زوج ولا بيت .. ولا شي ..
ماجد :: اقول استحي على وجهك بس ..
سارة بطفش :: مو لازم انت محد يستحي منك ..
ماجد :: آآآف .. يالله .. وين نروح الحين ؟؟
سارة :: ليش انت خلصت ؟؟
ماجد :: ايه خلصت ..
سارة :: اممممم ..
ماجد :: يالله خلاص أنا جاي لك هالحين .. بعد الساعة 9 ونص الصباح من فاتح لك انتي ..
سارة تضحك عليه كأنها هي اللي تبي تشتري بهالوقت .. هو اللي مضروب على عقله وجاي ..
التقت سارة بماجد عند ديزل ..
ماجد كالعادة .. ثوب حجازي مع كاب .. هالمرة لونه أحمر .. والجزمة سودا جلد .. كشخة خفيفة .. تناسب مشيته الكشخة ..
ماجد عمره ست وعشرين .. خاطب .. ورامي خطيبته بزبالة .. حتى الدبلة ما يلبسها ..
خطب من شهرين .. وحدة بنت ناس ومتدينة .. وهذا الصنف ما يمشي مع ماجد كلللش مووولييية .. بس هذا ذوق الوالدة ..
البنت تدرس طب .. ومنشغلة ع الآآآخر بالدراسة .. يكلمها من اسبوع لاسبوع .. مرة تقول عندها كويز .. ومرة مدري ايش ..
يروح لها شوي لبيتها .. تقعد معاه لابسة قميص وبنطلون واسع .. ما يعجبه ذا النوع ..
وهي البنت مو من زود حلاها .. يعني أسمرانية أنفها حلو .. فمها ماشي حالو مو كبير مو صغير عيونها بنية وسط وعااادية ..
شعرها ناايس .. بس مشكلته قصير .. ما تهتم بحالها كثير ..
يعني ما قد شافها بمكياج إلا بيوم خطوبتهم ..
رنيم .. خطيبة ماجد .. قبلت فيه لأنه ولد عالم وناس .. بس .. ما تبيه يأثر عليها بآخر سنة لها بالطب .. فتاركته .. ومطنشته لحد ما تتخرج .. وباقي لها سنة .. تتخرج .. بعدها يتزوجوا .. وانتهينا ..
ماجد دارس بجامعة البترول .. بعدها انقبل في أرامكو .. شغله محترم .. وحلو ..
وراتبه قوي .. وهذا الأهم .. مستعد يفتح بيت .. وبيت الزوجية تبعه جاااهز ..
مشى مع سارة .. اللي عمرها 19 سنة بعد .. تخرجت من ثانوي .. وانقبلت بجامعة الفيصل .. علوم طبية .. ما تقدر ع الطب .. وما جابنت النسبة اللي تدخلها طب ..
ماجد ركب السيارة مع سارة طالعين من المجمع ..
ماجد :: وين تبين الحين ؟؟
سارة :: مجووود شرايك نشتري شي حق خطيبتك ..
ماجد عفس وجهه :: منهي ؟؟ رنيموووه ؟؟
سارة ماتت ضحك :: الحين تأكدت إنك ما رح تتزوج وتنساني ..
ماجد :: تبيني اشتري لهالخايسة ..؟؟!
سارة :: يالله عاد ..
ماجد يتحلطم :: أي والله .. الحين الواحد متزوج .. يبي حركات .. يبي حنااااان .. احنا فاقدين حنان .. مو شايفين خير .. نبي رومانسية ..
سارة تضحك :: تأدب يالخاااايس .. لا تفتح عيوني ..
ماجد :: اسم الله عليك ما كأن عيونك منشقة مو مفتوحة بس ..
سارة :: وبعدين يا قلبي انت حتى خاطب مو متزوج .. يعني البنت أكيد تستحي ..
ماجد مطنش :: أنا مالي دخل تستحي ما تستحي .. أنا ماخذها وخاطبها ومدري ايش .. وبعدين تستحي مني .. بعد قولي إذا تزوجنا بعد تستحي مني .. بعد هذا اللي ناقص .. على كذا عمري ما رح أجيب عيال ..
سارة وقتها ماتت ضحك وضربت ماجد اللي اكتفى بابتسامة ع اللي قاله .. وحرك سيارته :: خلينا نمشي بس وخلنا من طاريها .. لابوها لابو اللي اختارها لي ..
سارة تضحك على أخوها مرررة مو عاجبته ولا داخلة مزاجه هالرنيم :: هييييييييه تراها ذوق أمك .
ماجد :: أنا من تزوج أخوي بو رشوووود .. وانا غاسل يدي من ذوق امك ..
سارة ماتت ضحك :: يا حوووومااااار .. وانت من متى شفت مرت راشد ؟؟ ترا لو درا يذبحك ..
ماجد :: اقول اسكتي .. ما كأنه متزوجها من 10 سنين ..
سارة :: أي والله من زمان راشد متزوج ..
ماجد :: ايه .. شوي ويصير جد ..
وسوااااالف ولخبطة بين ماجد وسارة .. ما تستغني عنه هالأخو .. والله محد موريها الدنيا إلا هو ..
^* رح يظل ماجد ورنيم بهالوضعية وللا لأ ؟؟؟ رح تظل سارة قريبة من أخوها وللا الحياة تباعدهم ؟؟ *^

عدد الرسائل : 2641 العمر : 33

...............
ناسي حاله أخونا في الله .. ويلعب بلي ستيشن من البارح .. والحين الساعة كم !!
الساعة 10 الصباااااح ..
تكن من البارح يالظالم .. مافي حول .. ناوي يخلص الشريط يعني يخلصه ..
بوسط الصالة في بيتهم الصغير .. ويصااارخ مع المصارعة الدفشة اللي يلعبها ..
عمره بالعشرين .. يشتغل بأرامكو .. وما يترك هالحركات ...
جته الشغالة سافين فلبينية :: علي .. علييييييي كلاص انت طول ليل في يلعب هدا .. انا راس واجد في يعور كلاص
علي متعود ع الشغالة دايم تهزأه وهي معاهم من زمان يعني قد ـمه حسبة أمه يعني :: سافين طيري عن خلقتي " هذا محترم "
سافين :: علي .. مافي قول كلام مو زين ..
علي :: سافينوووه وخري عن وجهي بكمل عشان انام وانا مرتاح ..
سافين معندة :: انت شوف ايش في سوي .. بس في ياكل هدا بطاطس .. يشرب بيبسي .. بعدين انت في صير سيم سيم هدا باب ..
علي ضعيييييييف مررررة :: ايه على خير .. بشارتك عندي لو صرت ربع هالباب اللي مو عاجبك ..
سافين :: علي انت في كوم وللا انا في طفي هدا بلي ستيشن ..
علي :: لا لا .. تعالي طفيها إذا ما فقعت ضروسك طالعي وجهك كأنك فقمة ..
سافين يئست الكلام مع هالعلي .. وطنشته .. ويكمل علي يلعب بعناد .. يعني بصراااخ بصوت أعلى ..
ليما جاته جزمه من السما على راسه ....
علي وهو يطالع فوق ويده على راسه :: آآآآه .. وجعه ..
ابو علي ما عنده إلا هالولد ومعذبين ام علي تحس إن اثنين بزارين بالبيت :: اسكت بسسسسك ... جب ..
علي :: آآآه يبا عاد تكفى .. هذي جددد آآآآآآه ..
ابو علي رما عليه الجزمه الثانية من فوق الدرابزين اللي يطل ع الصالة.. ومشى ..
علي يتحلطم :: بل بل بل .. هذي اكيد امي قايلة له سكت ولدك وللا ما كان سوا كذا .. والله ابوي حالة .. يخق قدام امي ..
..
وسافين طبعا تتشمت بعلي .. عشان الجزمة اللي صحكته مرتين بدل المرة ..
تأفف .. وسيف اللي لعبه .. وطفا البلي ستيشن .. وراح لحجرته .. ياخذ له شور بعد المصارعة اللي استنفذت كللل قوته ..
يسبح وهو يصارخ .. يغني "" قطووورة "" كلللللش ما يلووق ..
علي موت أمه الهدرة والصراخ .. وهو طول عمره وحيد أهله .. ومتعود ع الهدرة برووحه ...
(( صارت قطوورة مطرة .. سقطت على رأس الشجر ..
.... ))
وبصوته الخشن .. طلع من الحمام وهو لاف المنشفة على خصره ..
بحجرته .. السرير مغري بشكل عجيب .. المخدة يحسها تناديه .. مفهههي وهو يطالع بالشكل قداامه ..
تنهد .. لبس ملابسه بسرعة .. ترك حاله بالشوورت .. ورمى حاله ع السرير .. المصارعة دااايم متعبة حتى بالبلي ستيشن ..
^* وش قصته ؟؟ وشو علاقته بشخصيات القصة ؟؟ *^
.......................................
الساعة 10 .. الحين بس صار لازم ريما تركب الطيارة ..
كانت تمشي بسوق المطار اللي تموت فيها .. بس ما لقت الشي اللي يلفتها ..
تطالع بدون احساس .. بدون ابتسامة ببرود .. حتى بدون ما تمد يدها لشي .. تحسس ملمسه .. قساوته .. نعومته ..
مشت بسرعة لعند الطيارة عشان تركب من الأول وما تضطر توقف باللاين ..
وكانت أول الواصلين ..
وأول من دخل الطيارة .. على طول قعدت بمقعدها .. اللي بالفرست كلاس .. وحطت السماعات بأذنها .. وشغلت لها أغنية عبد المجيد "" يحلمون "" .. وكيفت عليها ..
(( يحلمون .. يحلمون اللي فيك يفكرون ..
ياخذونك انت مني .. والله لو يتجننون ))
بعد ربع ساعة تقريبا .. الطايرة ملت بالناس .. وما حست ريما ع الرجال اللي جلس بجنبها ..
رجال .. باين عليه رزين وعاقل .. كبير شوي .. يعني تعطيه بالثلاثين .. لابس ثوب وناسف الشماغ .. ومررررة رزة موووده ..
ما طالعها ولا التفت عليها .. قعد بكل أدب .. وكلللها نص ساعة من البحرين لقطر .. ما تسوى عليه ..
قضت ريما هالساعة بالأإني .. واللي جنبها منشغل باللاب توب اللي ما فارقه من ركب الطيارة ...
......................
راحت لعيالها تصحيهم من النوم .. خلاص صارت الساعة 11 .. وهم لازم يمشون لبيت جدهم بكير عشان الغدا هناك ..
راحت مريم لحجرة سعد وبدر ... توأم عمرهم 9 سنين .. بالصف الرابع الابتدائي ..
توأم بس أشكالهم تفرق كثير ..
سعد أبيض .. وعيونه غااامقة حيل .. شعره كثيف ومجعد خلقه .. ملامحه حادة .. وشريرة ..
أما بدر .. اللي كان دبدوب شوي .. وأشقرررر .. عيونه ملونة .. وشعره حرير أصفر ..
مريم :: مامي بدر .. سعد .. ويك اب .. اتس 11 ان ذا مورننغ
(( سعد بدر .. يالله اسحوا من النوم .. الساعة 11 الصباح ))
سعد فتح عيونه على طول وبهدوء .. نومه خفيف وبسرعة يصحا :: قود مرننغ مامي ..
مريم راحت لعنده تبوسه :: هلللو هني .. قود مورننغ ..
سعد على طول قام من سريره .. ما يحب يبين الحب الكبير والعاطفة لأمه .. هو صار رجاااال ..
راح يغسل قبل أخوه .. وياخذ له شور ..
راحت مريم وقعدت جنب بدر اللي لساه نايم .. بدر يحب الدلع :: مامي بدر .. ويك اب دارلي ..
بدر شخر بقوة ...
مريم ابتسمت وهي تطبطب عليه :: دبر ... تودي از ثرزداي .. وي ار قونق تو يور غراند فاثرز هاوس ..
بدر وقتها فتح عينه ع الآخر .. بيت جده يعني أكل وبدوووون حسااااااااب :: ريلي مامي ؟؟؟؟!!!!
مريم ضحكت فاهمة له هالولد زين :: يس هني .. قو اند تيك ا شور .. سو وي كان قو ..
بدر قام بسررررعة .. وراح للحمام .. وبدون ما يطق دخل ..
متعودين ..
سعد كان يتروش ومسكر الستارة ..
وبدر يغسل أسنانه .. ربع ساعة يغسل أسنانه .. من كثر ما ياكل بالحلاوة .. صار عنده هوس تتسوس أسنانه ويروح لطبيب الأسنان "" أنور "" وهو ما يحبه ..
بعد شوي .. طلع سعد من الشور .. وهو لاف المنشفة على خصره .. شعره المبلول الأسود صار سيدا ومرجعه على ورا ..
خدوده صارت حمرا من حرارة اماء ..
سعد :: هاي برو ..
بدر :: قود مورننغ ..
سعد يزعط :: هيري اب .. آي دونت وانت تو بي ليت ..
بدر باستسلام :: اوكي .. آي ونت ميك يو ليت ..
......
طلع سعد لحجرته يلبس ..
ومريم بحجرتها مرتاحة .. الحياة أحسن من كذا مش ممكن تكون ..
قاعدة قبال المراية .. تتمكيج عشان تروح لبيت أهل زوجها .. الغدا عندهم اليوم .. ولازم تكون بقد المقام ..
تسرح شعرها القصير .. ومو عارفة وش تسوي فيه .. القصة الأخيرة ما عجبت زوجها يعقوب ..
شوي وطق الباب بهدوء ..
مريم :: يس ....
سعد بهدوء :: اتس مي موم .. كان آي انتر ؟؟
مريم بضحكة .. تمووووت على الأدب اللي معلمته لعيالها .. بس نست إن الأدب ممكن إنه يتعلم بالعربي .. مو شرط بالإنجلش :: يس ماي لوف .. يو كان ..
دخل سعد .. بعد ما لبس قميص أسود فوقه بلوزه صوف بيجيه .. فيها خطين من جنب أخضر وأصفر علامة لاكوست ..
وبنطلون جينز علامة جورجيو أرماني ..
مع الشوز من لاكوست .. أخضر مع خط ضعيييف بجنب أصفر وأسود ..
وعلامة التمساح ..
وشعره مسرح لورا .. مرتب لآخر درجة .. وريحة عطره شانيل الحلوة واصلة ..
مريم بابتسامة :: يو لوك برفكت سعد ..
سعد ابتسم :: ثانكس .. يو تو مام ..
مريم رجعت تناظر بشكلها بالمراية :: آي دونت نو وات تو دو وذ ماي هير ..
سعد اقترب وتسند ع التسريحة :: ميك أ بف ..
مريم تنهدت .. وعملت لها بف .. بدون قصة .. وسرحته يكون سيدا عشان ما تبين التقصيصات الكثيرة اللي عاملتها ..
حطت لها ميك أب خفيف مرررة .. وروج أحمر صارخ ..
لبست تنورتها البلاك الصوفية الثقيلة السودا .. مع قميص أبيض مكشكش من قدام .. والجكي الأود فوقه ..
وقلادة ألماس فيها أحمر ..
وصندل كعب عالي أحمر .. مع الشراب الطويل المربكعات اللي لبسته على رجلها البيضا ..
سعد بنظرات :: نايس موم ..
مريم ضحكت .. ومشت مع سعد لبدر .. كالعادة مأخرهم .. مو عارف وش يلبس ..
بدر :: موم .. دد ماي فاذر قو تو قطر ؟؟
(( ماما .. راح بابا لقطر ))
مريم :: يس هي دد .. ذس مورننق هي ونت تو ذا اير بورت ..
(( ايوا راح .. اليوم الصباح طلع للمطار ))
^* وينه زوج مريم ؟؟ وبعد الأدب اللي معلمته لعيالها ,, كيف رح تكون شخصياتهم ؟؟ *^

عدد الرسائل : 2641 العمر : 33

.............................................
يعقوب بالطيارة .. الحين بس نزلت بالمدرج .. طفا اللاب توب .. ودخله بشنطته أرماني ..
ووقف وهي يعدل شماغه .. ونزل منطر ريم .. ولا كأنها موجودة بالحياة ..
نزلت هي وهي تتأفف ..
الساعة الحين .... 11 وربع ..
ريما بالطار .. باقي ساعتين على ما تطير الطيراة من قطر لكوالالمبور بماليزيا ..
وش تسوي بهالساعتين ؟؟؟؟
تعبت من الحوووسة والفرارة ..
....................................
راحت سافين لحجرة علي ..
شافته نايم بالشورت بالشتا .. تتأفف منه :: علي هدا ولد مجنون .. مافي بكر مافي مخ .. بكرة يصير مريض .. انا في كتير شغل .. بس كويس .. هدا مريض .. بعدين مافي يلعب بلي ستيشن سوي ازعاج ..
بس قلبها ما يطاوعها .. طلعت بطانية ثقيلة من خزانته .. للحين الأخ ما طلع بطانيات الشتا ..
وغطته .. وقبل لا تطلع رن جواله .. تحرك بنومه .. وراحت على طول للجوال ..
الرنة أغنية أنجليزية رومانسية .. واسم المتصل "" روحي ""
سافين قرت الاسم عندها خبرة بالعربي والانجليزي من طول قعدتها بالسعودية ..
سكرت الخط بوجهها .. وطفت الجوال .. لا ينزعج علي .. ويصحا من النوم .. وهي تدري .. لو هو صحا بيزعجها .. وهذا اللي ما تبيه .. تبي تروق الأخت ..
^* من اللي كان يتصل عليه ؟؟ ويا ترا .. علي متعيشق ؟؟ وللا وش القصة ؟؟ *^
.....................
ريما بالمطار تمشي والجوال بيدها تتأفف (( ليه ما يرد لولو .. ويعطيني اقنور .. لا ويقفل الجهاز بعد .. يعني خلاص .. طار ..
تدري يا روي .. بلعننننه .. اللي ما يبانا ما نباه .. وإذا طار .. أصلا أنا أبي أروق بهالسفرة ومابي أي أحد في بالي .. كفاية سيف .. يمممه سيف .. الحين وش بسوي معاه !!!! ))
ظلت تفكر وهي تمشي وتحوووس من مكان لي مكان بهالمطار .. ليما صارت مجبورة تقعد بمكان معين بانتظار الطيارة ز. لمدة ساعة ..
قضتها تلعب زاتة بجوالها ...
^* لولو !!!! مين هذا ؟؟ و وينه سيف من الطبخة ؟؟ *^
...........................................
حنين .. قال لها ناصر إنه رح يمرها يتغدوا برا اهم الاثنين ..
لبست وجهزت .. وصارت الساعة 12 وربع .. وما اجا .. يمكن الغدا متأخر شوي ..
وهي تفكر وتحوس بكعبها وتطق فيه بالأرض .. اجا أخوها متعب ..
عمره 15 سنة .. ينام معها بنفس الغرفة .. هم كذا .. يتفلسفون ..
متعب .. طوييييييل مررررة .. وأسمر .. عيونه ناعسة حلوة .. شخصيته جذااابة .. طبعا حنين طايحة في غرامه لو ما ناصر موجود ..
هو صديقها الصدوق وأخوها الوحيد تحبببه مووووت ..
متعب :: يا الله صباح الخير ..
حنين بابتسامة من تحت برقعها :: أهلين صباح النور ..
متعب :: وش عندك لابسة ؟؟
حنين :: بطلع مع ناصر ..
متعب مستغرب وعيونه بعدها فيها النوم :: هالحين ؟؟؟؟؟
حنين :: ايه عازمني ع الغدا .. وترا الساعة الحين 12 ونص تقريبا .. مو بكير ..
متعب :: أيوااا ..
شوي ورن جوال حنين ..
حنين وهي تقوم مستعجلة :: يا لله باي ..
متعب يضحك :: باي .. والله ماخذ عقلك هالناصر ..
طلعت له بالسيارة .. وهي مستحية ..
وصلوا لمطعم قريب .. حلو وراقي .. أكلوا فيه .. أو بالأصح أكل فيه .. لأنها من الحيا مو عارفة تاكل ..
.............
متعب لبس وطلع .. مو من طبعه ينتظم على نظام أكل معين .. ما يعترف بالغدا والعشا والفطور .. وقت ما طرا له الأكل أكل .. وأي شي يطري له ياكله ..
راح لميد .. أخذ له 4 قواطي بيبسي .. ورجع ركب سيارة أبوه .. ومشى فيها ببعيال ربعه يلعبوا كرة قدم بالبراحة ..

يسلمووووو

مره نايس ...

ثااااانكس انا بديت فيهااا

بس لساا ماكلمتهااا
من زمااان ادووور ع التكلملة

مرسي

عدد الرسائل : 2641 العمر : 33

يسلمكم قلبي ..
وفحوووط ترا روايتي حطيتها واختفت فجأة مدري وين طارت ..
وحطيتها مرة ثانية ..

عدد الرسائل : 2641 العمر : 33

الباااارت الثااااالث ...

............................
قعد براحة على الكنب المريح بالفندق الفخم بقطر :: وأول ما شاف الراحة وغمض عينه .. تذكر معشوقته .. مريم ..
اتصل عليه :: هلا حبيبتي ..
مريم بابتسامة :: أهلين قلبي .. هلا عمري ..
يعقوب :: يا قلبي انا تو وصلت للفندق بقطر .. برتاح شوي .. بعدها بطلع للاجتماع ..
مريم :: اوكي حبيبي .. انتبه لنفسك ..
يعقوب :: انتي وينك ؟؟
مريم :: ببيت أهلك .. ومعاي سعد وبدر ..
يعقوب :: كيفهم .. من الحين اشتقت لهم ..
مريم :: هم تمام حبيبي .. أهم شي انت تكون مرتاح .. واتصل طمني عليك من وقت لوقت ..
يعقوب :: اووكي قلبي .. بوسي لي الكيدز ..
مريم :: اوكي ..
يعقوب :: يالله .. مع السلامة ..
سكرت مريم وهي مبسوطة منه .. يعقوب .. وكيف تقدر تزعل عليه ..!!
كيف تقدر تزعل ع اللي داس على كرامته .. وسامحها .. على أقبح شي ممكن تسويه ..
الخياااانة ..
شافها بعينه وهي تحتضن كف رجال ثاني بين ايدها .. وتلعب بأصابعه .. الظاهر موعدهم سوا كان قريب ..
يعقوب انفجع .. وش السواة بذي اللي ما احترمت حتى عيالها اللي ما كملوا سنتين .. وراحت تخون ..
يعني معقول يعقوب بجماله ما شبعها .. وبثراءه ما م عينها .. وما كفاها حبه .. اللي ينوزن بالدنيا ..!!
وش صار لها . وهي مريم اللي ما فارقت خياله لحظة .. هي عروسة الغفلة اللي ما قد اختارها بس حبها ..
لأنها اللي رح تكون له ومعه طول العمر ..
وكيف ما يحب مريم ..
بس مريم تخونك يا يعقوب .. تخوووونك ..
لا .. القلب اللي يحب .. ما يقدر يحقد .. وما يقدر يأذي إنسان حبه ..
خانتني .. ابطعن حالي اكثر .. كفاية هالخبر يذبح .. معليش .. بس انا احبها .. والموت موتين لو تركتها تروح مني ..
مريم تحبني .. ورح ترجع لعقلها .. ورح ترجع لي ..
مريم عفوتها كانت رح تضيعها .. علاقتها بذاك الشاب ما كانت تتعدى لقاءات سطحية ولمسة يد ..
بس حتى لمسة اليد .. تحركت مشاعر غزيرة بالقلب ..
مريم بعد ولادتها بالتوأم .. حيت بنفسيتها تتغير .. راح جمال جسمها الفتان .. راح صفاء عيونها وصارت مشوهة بهالات تحتها ..
تعبت كثير وهي تهتم باثنين .. صحيح يعقوب معاها بس يظل الحمل ع الأم أكبر ..
تعبت وشقت وربت .. ورضعت .. وأهملت ..
أهملت زوجها .. وأهملها .. انضغل بشغله .. ويشتاااق يرجع للبيت عشان يشوف القمرين اللي بالبيت ..وينسى أمهم ..
سنتين وهم عالحال نفسه .. رجع لها جسمها .. وشوي من نضارتها ..
وراحت بعالمها تدور اللي يطريها .. وتدور اللي تسكن باله طول الوقت .. واللي تحصل منه الاهتمام ..
وهذا شي ما كان صعب تلاقيه ..
.. بس بالآخر يعقوب سامحها .. وعلمها .. إن حبه لها أكبر من كل شي .. وبحبهم يتخطوا كل عثرة تواجههم كبيرة أو صغيرة ..
الرجال يخون .. وتظل المرأة بذمته .. تحس بالذل ..
بس هالحين .. يعقوب مو مذلول بالعكس .. مريم هي اللي تخجل الحين تغلط أي غلطة .. تخاف تصدر منها أي هفوة ..
ما يستاهل تغلط عليه .. وهو اللي تكرم عليها .. ورجعها لأحضانه بعد ما ارتمت للغريب ..
^* في رجال يسامح زوجته اللي خانته ؟؟؟؟؟ *^
.....................................
الساعة 2 الظهر .. الطيارة تأخرت ..
بس هالحين أخيرا تقدر تركب ..
تعبت من الركبة والنزلة والتنقل .. بس يالله هذي آخر مررة .. وبعدها لأهلها ولا أحلى من كذا ..
ركبت الطيارة .. وحطت جوالها على " فلايت مود " عشان تقدر تشغله بالطيارة بدون ما يأثر ع الأجهزة ..
قعدت بمكانها .. وجنبها مرأة .. مو سعودية .. ولا خليجية .. شكلها يعني من هذول السيلانيات .. وللا مدري ايش .. يعني شي كذا ..
ريما تتأفف .. متضايقة .. مافي غير هذي تقعد جنبها .. بتقضي سبع ساعات وهي جنب هالمخلوقة .. ما في بينهم تفاهم مافي شي .. يعني نفس الشي .. رح تظل تسمع بهالأغاني وتلعب بالبالوت اللي بجوالها ..
....................................................
يمشي بين الناس .. وهو مو داري كيف اقتنع يجي كذا مكان ..
يتأفف ويتكبر ع اللي حوله .. صحيح ناس همج ..
كيف قبل يترك أمريكا .. ويجي لهنا .. للسعوووووودية !!!!
جد .. من إلى .. ناس كللها لابسة نفس الشي .. ثوب أبيسض مدري وش اللي عاجبها فيه ..
شي مقرف يحطوه فوق راسهم .. مرات أبيض ومرات أحمر .. وذا اللفة السودا اللي فوق راسهم مثل الثعبان ..
مشى دانيال بقرف .. ولابس بنطلونه الجينز ماركة جورجيو أرماني .. والشوز ماركة أديداس مع كاب أبيض أديداس فيه خط أسود وأحمر ..
وبلوزة حمرا نص كم .. مرفوعة ياقتها .. وإشارة لاكوست عليها ..
والنظارة الشمسية ديور بجنب .. حرف " دي " على اسمه ..
يشوف البنات .. كيف متبرقعات .. وكيف لابسات ذا الخيمة السودااا ..
دانيال :: وات ذا هيك از ذس !!!!!
(( وش ذا ؟؟ ))
طلع بسرررعة من مجمع الراشد اللي انقرف منه .. كلم صاحبته لورين بأمريكا ..
يشكي له القرف اللي جا له ..
ما رجع إلا عشانه يبي فلوس .. وللا ورا وجهه لأحد غير أبوه .. أصلا محد يدري برجعته ..
أخذ من أبوه الفلوس وطاااار .. بلا رجعة ..
طرده أبوه .. وحجزه يرجع لأمريكا متأخر .. وابتلش بالقعدة .. ما يعرف أحد هنا .. ما له أصحاب ولا شي ..
من عمره 16 سنة أرسلوه أهله لأمريكا عشان يدرس سمر .. وبعدين اعجبه الوضع .. وكمل دراسته الثانوية والجامعية هناك ..
لساه يدرس جامعة إدارة أعمال .. ولا تعجبه الرجعة ..
^* وش علاقته ؟؟ وش جنسيته ؟؟ وش رح يصير له هاللي منقرف من الراشد ؟؟ *^
.................................
ريما بالطيارة .. ع اللاب توب .. تكمل كتابة روايتها اللي تألفها .. بتعب .. أرهقتها الحووووسة .. واللي معها وجنبها نااايمة من أول ما قعدت ع الكرسي ..
يا ليتها تقدر تنام .. ما غير تعلك بهالعلك .. وتسمع أغانيها .. وتطقطق ع الكي بورد ..
مبسووووطة .. بس ملاااانة .. مو عارفة حتى ايش هي قاعدة تكتب .
ما في شي يزهق كثر القعدة برووحك ووين !! بالطيارة ..
صحيح ملل .. "" لحد يجرب "" ..
تنتظر .. يقول الطيار .. إنو الرحلة تاخذ 7 ساعات و27 دقيقة .. يا ربي ما يتأخر أكثر من كذا .. والله تنتحر ..
لفتها مايلة .. ورافعت رجليها ع الكرسي .. ساحبة الطاولة قدامها .. وعليها اللاب توب ..
يمر واحد من الشباب اللي بالطيارة .. وهي جنب الممر .. يظل يطالع فيها ليما يبتعد .. تنقرف من كذا أشكال ..
يا ربي ع هالحال .. حتى بالطيارة مافي حول ..
...........
حنين .. خلصت غداها مع خطيبها ناصر .. وركبوا السيارة .. ما تدري وين رح ياخذها .. بس اللي تعرفه إنها بردانة ومو عارفة كيف تقول له ..
مشى فيها .. وبالسيارة هو مو عارف وش يقول .. وهي ساكتة ..
ناصر :: البارحة كنتي قمر ..
حنين بس عشان تمطط السالفة :: بس البارحة !!!
ناصر ضحك :: واليوم بعد ..
حنين بثقة :: وبكرة بعد .. وكل يوم ..
ناصر ضحك من قلب ..
حنين بحيا :: حتى انت كنت حلو ..
ناصر يقلدها :: كنت !!!!!!
حنين بابتسامة حيا :: كنت ولا تزال ...
ناصر :: ولن يزول ..
حنين ابتسمت ..
ناصر :: تدرين صرت أحبك ..
حنين تفاجأت ما توقعت بهالسرعة يقول لها إنه يحبها .. مو الحين .. مو هنا .. مو كذا ..
ومو وهي مستحية كذاااا ..
حنين طبعا انصفعت .. وسكتت .
وهو بعد تفاجأ من نفسه لما قال اللي ييحس فيه بسرعة وبدون تفكير .. وسكت ..
أخذها لبيت أهله .. وقعدت مع حماتها أم ناصر .. وأخوه الصغير حسام ..

عدد الرسائل : 2641 العمر : 33

...................
:: تكفى تكفى تكففففى ..
:: لا يعني لا يعني لا ..
:: يالله عاااااااد ... أحبك والله والله .. تكففففى ..
صالح بتفكييييييير :: لااااا .. نو مييينز نوووو ..
داليا برطمت .. وولدها بحضنها تكتفت وسكتت ..
صالح قام ببرود .. وهو يمط البلوزة اللي عليه :: يالله بابا فارس .. تعال نروح ..
داليا اليوم قال له تبي تروح للسوق عشان تشتري له كم غر ض.. وصالح مو راضي .. يبي يروح للملاهي .. هو كذا .. عنااااد ... داليا برطمت ..
فارس قام لأبوه :: بابا نلوح للملاهي !!
صالح :: ايه يا بابا .. والدلوعة اللي هنا ما تبي تروح معانا .. وش نسوي فيها ..
فارس بتفكير :: نغدغها لحد ما ترضى ..
صالح وهو يبتعد ببطء :: لا لا ..
وراح لها ببطء من وراها .. ونط عليها من ورا الصوفا اللي هي قاعدة فيها .. وصار قاعد تقريبا على بطنها لأنها على طول انسدحت من الخلعة ..
صالح وهو ماسك يديها بيديه عشان ما تبعده عنها .. وفارس ماسك رجليها :: تروحين الملاهي وللا لأ ؟؟
داليا بعناد وبطريقة طفولية :: مابي مابي مابي ..
صالح :: فارس بابا .. تعال ندغدغها ..
داليا بتهديد :: ترا إذا دغدغتوني ما برووح .. لا تخليني احلف صالح ..
صالح يفكر ...
داليا :: قوم عني خلاص ..
صالح :: بس أنا مرتاح كذا ..
داليا تطالعه باستسخاف ..
صالح ابتسم بخبث .. وصار يدغدغها .. وفارس يساااعده ..
داليا خلااااص .. تمووووت من الضحك .. وصراخهم واااصل ..
داليا :: صالح خلاص .. والله خلاص تكفى ..
صالح وقف شوي وهو ماسكها :: بتروحين أو لا ؟؟
داليا ودموعها على خدها من الضحك :: ما بروووووح ..
صالح كمل يدغدغها .. وصار منسدح جنبها ويقلب عليها ... وفارس معاه يضحك ومبسوووط ..
صالح بترجي وهو ماسك ايديها بيديه .. ومحوط على رجليها برجليه .. وفارس قاعد على بطنها :: بلييييز روحي معاي ..
فارس يقلد أبوه :: ايوا ماما .. بليييز بليييز بليييييييييييييييز ..
داليا ابتسمت غصب عنها :: اوكي ..
صالح نط من عليها :: هييييييييه .. كفك فوفو ..
وضرب كفه بكف ولده ..
بعدها لف لها وساعدها تقوم ..
داليا باست صالح بقووووة على خده :: مقدر ارد لك طلب حبيبي ..
صالح يصرخ :: وتلوموني فيييها يا ناااااااس ..
حملها صالح بين يدينه .. وجا له فارس وركب على ظهره ..
صالح مبسوووط .. وداليا مبسووووطة .. وفارس مبسوط .. هذي عائلة حقيقية ..
مشى فيهم لحد غرفة الملابس عشان يغيرون لبسهم ويمشون للملاهي ..
^* حياة ميثالية !!! *^
.............................................
ماجد عند خطيبته رنيم .. ما كان ناوي يروح لها .. بس عشان سارة اللي ترجته يروح ..
راح لها ومعاه قاتو ..
كاشخ مثل ما هو .. طلعت له .. وشعرها طال شوي .. فيها قلوس .. غريبة عليها ..
لابسة برمودا .. وبلوزة واسعة .. شي بسيط .. بس حلو وذوق ..
مبتسمة ..
رنيم :: السلام عليكم ..
ماجد مستغرب .. بس مو مبين هالشي :: وعليكم السلام ..
رنيم قعدت بمكان بعيد عنه شوي :: كيفك ؟؟
ماجد تنهد :: زين ..
رنيم حست عليه فيه شي :: شفيك ؟؟
ماجد يفتح قلاب ثوبه فوق :: سلامتك ..
رنيم خافت وقربت شوي :: فيك شي ؟؟ قول لي ماجد ..
ماجد شاف الخوف بعيونها :: لا قلت لك ما فيني شي .. بس إذا تسمحين أبي كاس مويه ..
رنيم بخوف :: اوكي ..
رنيم على طول طلعت تجيب له كاست مويه ..
صبت له الماء في كاس .. وبصينية رجعت المجلس عشان تعطيه ..
أول ما دخلت شافته تقريبا منسدح ع الكنب .. وهو ماسك حلقه .. تشوفه مو قادر يتنفس ..
وحالته حالة .. رمت الصينية من يدها .. وركضت له ..
ايدها على قلبها ..
هي تدرس طب وفاهمة على كذا حالات .. بس الحين مو عارفة تتصرف ..
صارت تعض على أصابعها مو عارفة وش تسوي ..
ترتجف ..
بس بسرعة استوعبت الوضع وراحت له بركض ..
فتحت أزراره أكثر .. تحاول تكلمه مو قاعد يرد ..
خلاص ما كو غير هالحل ..
تنفس صناعي .. لازم تساعده يتنفس .. لازم تعطيه من هواها عشان يتنفس ..
متمرسة بكذا حالات .. وكيف تسوي التنفس الاصطناعي .. شي متكرر عندها .. بس لا . مو لماجد ..
بسرعة حاولت تتغاضى عن التفكير .. وبسرعة فتحت فمه واطبقت عليه بفمها .. تتنفس فيه ..
ماجد وقتها وصل للي يبيه ... وكملها بووووووووووووووووسة ..
^* كيف التأثير من بعد حركة ماجد الخطيرة ؟؟ وايش نيته مع رنيم اللي ما كان يحبها ولا يطيقها ؟؟ *^
....................................................
:: لو سمحتي أختي ..
:: هلا ..
:: بس لو تقدرين هالبنت لقيتها ضايعة .. وعجزت أدور أهلها .. والحين تبي تدخل للحمام اكرمك الله وتبي من يساعدها .. ولو تقدرين بس تساعدينها ..
بابتسامة :: ايه اكيد .. يالله يا قمر ..
أخذت سارة البنت من الرجال ..
ودخلتها للحمام وساعدتها ..
وعلي واقف برا ينتظر .. كان يمشي .. وشاف البنت اللي عمرها ما يتجاوز 4 سنين ماسكة بثوبه .. شكلها تفكره ابوها ..
تلفت .. يدور احد يمكن تكون له .. ما لقى .. يسألها وين بابا وين ماما ؟؟ تقول مدري ..
البنت ما كانت تبكي كثير .. بس أخلاقها مقفلة ..
أخذها .. راح للسكيورتي بالمجمع .. هناك لما شافتهم .. وراح علي بيتركها بكت .. وما رضت تسكت .. رجع لها ..
أخذها من السكيورتي .. وقال لهم إنه ما رح يطلع من المجمع .. وأصلا في مراقبة عليه ما يطلع إلا بإذنهم ..
شوي .. وطلعت سارة ومعاها البنت ..
سارة :: خلصت ..
علي بدون ما يطالعها :: تسلمين أختي ..
سارة احترمت حالها الرجال محترم :: يسلمك ..
اجت بتمشي بكت البنت اللي مو راضية حتى تقول اسمها ..
علي بقلة حيلة سكت ..
سارة فاضية .. وكالعادة تحوس بالمجمع لحالها بعد ما قالت لأخوها ماجد ع الخطة .. طبعا الخطة على رنيم ..
بجرأة واااااضحة .. ماجد ما يقدر يرفض شي كذا ..
سارة :: خلاص اتركها معاي ..
علي متردد :: وش بتسوين ؟؟
سارة :: بحوس معاها بالمجمع .. يمكن نلاقي أهلها ..
علي :: بس أنا السكيورتي مأمنيني عليها ..
سارة :: مدري .. خلي بيننا تلفون ..
علي استسلم لأن البنت جد مو راضية تسكت :: طيب .. هذا رقمي ..
نقلها رقمه .. سيفته سارة بجوالها :: برن لك رنة عشان تعرف رقمي .. وإذا لقيت أحد يدورها .. كلمني عشان أجيبها ..
علي :: ماشي .. "" بتردد "" انا اسمي علي ..
سارة ابتسمت :: وأنا سارة ..
علي :: تشرفنا ..
سارة :: الشرف لي ..
علي :: إذن .. ع الاتفاق ..
سارة وهي تبتعد :: ع الاتفاق ..
راح علي يحوس بجهة من المجمع يدور أحد .. يمكن يلاقي ام تدور .. احد يسأل ..
وسارة مشت بالبنت .. مبسوووطة وتسولف معاها ..
سارة :: شو اسمك حبيبي ؟؟
:: اسمي نانه ..
سارة ضحكت :: نانه ؟؟ وش اسمك الحقيقي ..
:: الكل يسميني نانه ..
سارة ماتت ضحك :: طيب انا اسمي سارة ..
:: مثل اسم الماما ..
سارة :: صحيح !! وش اسم ابو امك ؟؟
:: جدو ..
سارة ابتسمت .. ترا هي تكلم بزر :: ايه جدو ايش ؟؟
:: جدو ابو تركي ..
سارة :: ابوك وش اسمه ؟؟
:: بابا اسمه حبيبي ..
سارة رفعت حاجب :: حبيبي ؟؟؟؟
:: أنا ووماما دائما نقول له حبيبي ..
سارة :: طيب .. وش تناديه بعد ؟؟
:: بابا ..
سارة تبي تجرجرها بالحكي :: ماما .. وش تنادي البابا ..؟؟
:: تقول له ساعات حياتي .. بس اكثر شي حبيبي ..
سارة تضحك .. أهلها متعيشقين صحيح :: امم ..
:: الحين وين نروح ؟؟
سارة :: اممم .. انتي جوعانة ؟؟
هزت نانه راسها لأ ..
مشت معاها سارة بالمجمع .. ودخلت لمحل كليرز .. اشترت لها طوق عشان ترفع شعرها الحرير اللي نزل على عينها ...
شوي واتصل عليها علي ..
سارة :: هلا ..
علي :: اهلين .. وينكم ؟؟
سارة :: حنا بكليرز .. تو طلعنا ..
علي :: طيب ... انا لقيت أهلها ..
سارة بفرح :: والله ؟؟
علي يضك ع ردة الفعل تبعها :: ايه .. يالله جيبيها عند نعومي فوق ..
سارة :: اووووكي .. ثواني ..
سكرت الخط .. وقالت لنانه :: نانه حبيبي .. الماما والبابا فوق يالله نروح لهم ..
نانه :: اوكي ..
سارة مستغربة من هالبنت .. عادي عندها أي شي .. صحيح مو متعبة حد .. بس كيف ضاعت وصارت بيد علي .. مدري ..
المهم .. سارة راحت مع نانه لفوق ..
وشافت علي واقف مع بنت .. بالحقيقة هي مو بنت .. هي أن نانه .. بس بايت عليها صغيرة .. ومعاها رجال .. صغير بعد بس طويييل كثييير .. ومن هذيل شباب الكشخة اللي بدلة والشعر ع الموضة وكذا ..
مستحيل أحد يصدق إن عندهم بنت ..
المهم .. علي كان واقف معااهم .. وسارة راحت لهم بسرعة .. وهي مبتسمة ..
نانه على طول راحت لأمها اللي كانت فاتشة وعباية آخر موديل ..
أم نوره "" اللي يدلعوها نانه "" :: تسلمين تسلمين والله يعطيك الف عافية .. والله لولاك انتي وزوجك علي والله كنت بمووووت .. هذي بنتي مو أي شي ..
علي حمممممر .. وسارة ضحكت :: لا لا .. هذا مو زوجي .. أصلا استاذ علي هو اللي لقاها .. وانا بعدين اخذتها منه لأن الحلوة نانه علقت فيني ..
أبو نوره :: يعطيك العافية أخت سارة .. واي خدمة .. أي شي تبونه انتي والأخ علي ..هذا تلفوني ..
علي ما قبل :: لا يا بو نوره .. اشدعوا .. أي أحد يشوف طفلة قمر مثل نوره تايهه .. أكيد بسوي اللي سويناه ..
ابو نوره :: تسلم .. تسلم والله يا اخ علي .
سارة :: يالله .. أنا صار لازم امشي .. الحمد لله ع سلامتها الحلوة .. وانتبهي لها يا ام نوره تراها القمر لو ضاعت الكل يضيع ..
ام نوره ضحكت :: بنتي هذي بعيوني ..
سارة ببالها :: ايه بعيونك طل انتي مع ذا الخروف اللي جنبك .. لو انها بعيونكم وما عندكم غيرها ما كان ضاعت ..
سارة :: يالله بالأذن .. مع السلامة ..
سارة مشت .. ومعاها مشى علي ... يعني بنفس الوقت . مو معاها بطريقها ..
سارة تضحك وهي تمشي :: قالت زوجي قالت .. والله مسخرة ..
.. علي بنفس الوقت كان يفكر بالكلام :: لهالدرجة يعني لايقة علي يفكروها زوجتي .. بس والله خوش بنت .. محترمة وخفيفة دم .. وأهم شي .. واضح إنها تحب البزارين .. يا الله .. ذي تنفع لي .. :: ابتسم أكثر :: وعندك رقمها عليييييويييييي ..
^* كيف العلاقة ؟؟ وكيف الحالة ؟ رح يكلمها ؟؟ وللا يمكن هي تكلمه !! كل شي جايز *^

عدد الرسائل : 18 العمر : 31

يلالالا معذبتهم

تعبت من كثر ماانتظر تكملين الروااية

شكلهااا موووووت حلووة

استنااااك لاتطووولين

الله مرااا روعه القصة يسلمووو

عدد الرسائل : 1252 العمر : 31 my mms :

من جد ابــــــــــــــــداااااااااع

Very Happy

_________________________

عدد الرسائل : 2641 العمر : 33

تسلموووووو كللللكم
فرحتوني والله ..
ولللللولا سوري قلبي بس إنو من زمان ما دخلت ..
وما دريت إن في احد قراها Smile

وهذي التكلمة عشانك Very Happy

عدد الرسائل : 2641 العمر : 33

البااااااارت الرااااااااااااااااابع
........................

رنيم لما شافته يبوسها .. ما قدرت تبعد .. ماجد عنده جاذبية مو طبيعية ..
بسرعة خلصت بوستهم .. وقامت مييييتة حيا ..
ماجد يبل شفايفه ويعض عليها .. وهو يعدل حاله يقعد .. ويقفل أزراره ..
الحمد لله محد شافهم .. وللا كان صار الوضع .. مكهرب ..
ماجد سكت .. ورنيم راحت تنادي الخدامة تشيل الزجاج اللي انكسر من الكاس .. وراحت تجيب له عصير .. وفواكه .
رجعت قعدت معاه .. تبي تنشغل بأي شي .. ما تبي تشوفه .. صحيح خطيبها .. وصحيح عادي اللي سواه ..
بس هي أول مرة تبوس واحد ..
ماجد ملاحظ حياها .. ويبتسم على خفيف :: رنيم ..
اول ما سمعته يناديها .. وصوته فيه بحة تجنن .. وبصوت خفيف :: هلا ..
ماجد يدق ع الوتر :: زعلتي علي ؟؟
رنيم بدون ما تطالعه هزت راسها لا ..
ماجد :: طيب ليه ما تطالعيني !! ما يعجبك وجهي ..
رنيم بدون شعور لفت عليه بسرعة :: لاااا .. مو كذا .. بس ...
انتبهت ع حالها وسكتت ..
ماجد قرب شوي .. وظل ببينهم كرسي :: بس ايش ؟؟
رنيم :: خلاص ولا شي ..
ماجد يبيها تحس .. هو ما يحبها .. هو عادي معاها .. يحس بشعور ناحيتها .. بس ما يعشقها .. لأنه أصلا ما يعرفها زين .. بس تظل هي خطيبته .. ومستحيل رح يقدر يفك عنها وللا تفك عنه :: أحبك ..
رنيم نزلت راسها بحيا .. والابتسامة غصب عنها ارتسمت على شفايفها الناعمة ..
ماجد يناظرها بترجي وصار جد يحس فيها يبي يحبها .. يبيها تحبه .. يبيها تكون له للأبد .. ورح يكون لها .. طول على ما قال لها :: وانتي بعد ؟؟
رنيم ضيعت السالفة :: انا بعد ايش ؟؟
ماجد ما صدق على الله لفت تطالعه .. فهى فيها .. أول مرة يطالعها من قريب كذا .. ملامحها عادية .. بس بعينه أحلى من القمر ..
رنيم ابتسمت له .. بدون ما تبعد نظرها عنه ..
^* وش صار لك يا ماجد الثقل !! كذا خقيت عليها !! وللا يمكن يمثل ؟؟
رح يحبها ويكون وفي لها للأبد ؟؟ وللا يكمل تمثيل ليما يشوف له اللي تعجبه ؟؟؟ *^
................................................
دانيال قاعد بالفندق .. يجهز شنطته من جديد .. عشان يمشي لأمريكا ...
يدندن بأغنية "" أكون "" ( آي وانا لوف يوم ) .. ومبسوووط ..
شوي ومشى للمطار .. ع الأقل يشوف ناس جنسيات مختلفة ..
يبي يبعد عن السعودة بأي طريييييقة ..
ولورين هي كل اللي في بالها .. مقرر يتقدم لها .. ويتزوجها .. ويعيش معاها ..
حتى اشترى الدبلة من السعودية .. وحفر عليها اسمها واسمه ..
ألمااااس كبيييرة .. مرررة تجنن ..
كان بالمطار يطالعها ويسرح بعيد ..
اجا وقت الطيارة .. وركب وهو ينتظر يرجع ويشوفها .. ويقول لها ( ود يو ميري مي ؟؟ )
يركع عند رجلها .. يبوس يدها ... ويضمها لما تقول ( يس )
^* رح تتحقق آماله وللا ينفجع بلورين ؟؟ من هذي ؟؟ وكيف اصلها ؟؟ رح يتزوجها ويجيبها لأهله ؟ ووللا يظل معاها هناك ؟؟ وللا ما يصير بينهم نصيب ؟؟؟؟ *^
...............
ريما بالطيارة .. ملللت كثييير .. واجتها حالة غثيان .. ومو قادرة تتحرك .. تحس حالها بتطلع مصارينها لأنها أصلا مو آآآكلة شي ..
ظلت مغمضة عينها .. ومو قادرة حتى تتلفت .. تعبااانة كثير .. تتمنى الحين أمها معاها .. أبوها .. أي أحد ..
شوي .. وسمعت صوت ..
:: يا مس ..
ريما فتحت عينها بتعب .. وشافت واحد طويييل واقف عندها وشعره كوووووشة .. واضح إنه جداوي :: اش بك ؟؟
ريما :: تعبانة بس ..
:: طيب قولي لي اش معاكي .. اساعدك ..
ريما باستسلام هي محتاجة أي احد يسوي لها أي شي :: حاسة بغثيان ..
:: ايوااا .. معاك كلونيا ..
ريما وهي تأشر ع شنطتها :: ايوا بشنطتي ..
الرجال قعد على ركبته جنب كرسيها .. وفتح شنطتها بدون تردد ... وصار يدور بين أغراضها ع البرفيوم .. وطلعه .. رشه في يده .. وحطها عند أنفها :: اشتميه .. يروح الغثيان ..
ريما شمت يده بريحة عطرها .. نفسين وابتعدت عن يده ..
رجعت تسندت وغمضت عينها ..
:: ما حسيتي بتحسن ؟؟؟
ريما هزت راسها لا ..
:: طيب ثانية بس ..
وراح لعند كرسيه .. يدز اللي جنبه وكان نايم بخشونة :: يا ثامر ... ثامر ..
ثامر بتأفف :: اش بك .. وش تبي ؟؟
:: اللي معاه دوخة وغثيان .. وش يسوي له ..
ثامر على طول طلع من جيبه حبوب :: هادي للغثيان .. وكمان خد لك حبة بندول وريح ..
يفكرهم له .. أخذهم أسعد .. ورجع لها وكان كرسيها قريب منه ..
:: خدي الحبوب دي للغثيان ..
ريما طالعت فيه تبي تتأكد ما تدري من هذا وليش يسوي لها كذا .. يعني يجوز تكون الحبوب هذي مو للغثيان ..
حس عليها :: والله للغثيان .. والله .. تبي أخد وحدة عشان تتأكدي ..
ريما بتعب :: لا خلاص ..
عطاها الحبوب .. ومد لها كاس ماء :: وهادي المويه ..
أخذت ريما من يده ... وبلعت الحبوب .. وبسرعة اجت المضيفة تمر .. عشان الكل يربط الحزام ويقعد في مكانه .. وأخذت أسعد مكانه .. عشان في مطبات جوية ..
شوي .. بعد ما خلصت المطبات .. لف أسعد يطالع بريما اللي اعتدل وجهها شوي .. أشر لها وهو رافع حواجبه :: تمام !!
ريما ابتسمت .. وهي جد حست حالها أحسن بعد الحبوب اللي أخذتهم منه .. وأشرت له ايوا ..
أسعد ابتسم .. ولف بحاله ..
^* بعد يا ريما !! كيف رح تكون العلاقة فيه ؟؟ هذي هي والسلام ؟؟ وللا رح تضيفه للقائمة مع لولو ! وسيف ؟؟؟ *^
......................................
أبو ريما :: يالله .. الحين كللها ربع ساعة وتوصل ريما ..
أم ريما :: افففف .. مت من الحر ..
ابو ريما :: اصبري .. شوي وتجي ..
كانوا أم ريما وأبوها وأختها النونو "" جوجو "" منتظرينها بالمطار .. وممنوع يدخلوا لدااخل .. وحدودهم مضايقتهم ..
وهو ينتظروها ..
^* رح توصل لهم بنتهم سالمة وللا لأ ؟؟ *^
....................................
أم علي :: علي ... شفيك تأخرت .. أنا قلت لك أبيك تاخذني لزواج بنت صديقتي ..
علي :: يووووه .. والله يا يمه نسيت .. وصار لي حوسة ..
أم علي :: رقع رقع ..
علي :: يالله اوديك ..
أم علي :: خلاص .. الحين اختي تمرني .. ونروح سوا ..
علي :: اييييه .. احسن بعد ..
أم علي تتنهد بتحسف ..
علي عارف سوالف أمه :: شفيك بعد ؟؟
أم علي :: خلاص راحت عليك تسنيم ..
علي باستهزاء :: من ذي تسنيم ؟؟
أم علي :: بنت صديقتي اللي اليوم زواجها ..
علي بمسخرة :: وانشالله كنتي تبينها لي ؟؟
أم علي :: أي والله تسنيم ما في مثلها .. ولا يعيبها شي ..
علي يسخر :: ايه عدل .. واحسن شي فيها بعد اسمها .. ( يخرب صوته ) .. تسنيم .. وييييييييع ..
ام علي :: علي .. اذلف عن وجهي ..
علي تأدب :: انشالله ..
^* من هذي تسنيم اللي قاعدة تتحسر عليها أم علي .. ورح تظل ويع بنظره وللا لأ ؟؟ *^
....................................
بالعرس اللي راحته أم علي ..
كان زواج تسنيم بنت صاحبتها .. على راشد ..
متزوج من قبل وعنده ولد وبنتين ..
بس زوجته ما ملت عينه .. وقرر يتزوج عليها ..
حفلة صغيرة في بيت تسنيم ..
زواج محد يدري فيه إلا القليل ..
هذا كان شرط راشد لما خطب تسنيم ..
طبعا ماجد درا عن الموضوع من خطيبته رنيم اللي قالت له مستغربة إنه أخوه خاطب أختها وكذا ..
ماجد طبعا ما يشوف الموضوع غلط .. وليه لأ .. لي ما يتزوج ثانية والشرع محلل أربع ..
اتس اوووووكي ..
وتسنيم قبلت فيه لأنها كبرت ومحد تقدم لها .. وصار لازم تتزوج .. خلصت دراسة بالجامعة واشتغلت وهي لسا بدون زواج .. لي متى يعني !!!!!
^* من هذا راشد اللي متزوج قبل ؟؟ وكيف رح يكون زواجه بتسنيم ؟؟ وكيف مع زوجته اللي قبل ؟؟؟ هوووو كييييف ؟؟ ابو بنااااات وللا وش القصة ؟؟؟ *^
...............................
سارة تنتظر ماجد يرجع للبيت .. عشان تعرف وش صار مع رنيم ..
وأخيييرا اجا .. نطت لعنده بسرررعة :: بشر بشر ..
شافت الابتسامة على وجهه .. يعني الموضوع نجح ..
وظلوا يسولفوا هي معاه .. وهي مبسوطة إن خطتها نجحت ...
ماجد :: والله انك عقربة يا سوسو ..
سارة تحب اخوها مووووت .. لأنها ببساطة ما تعيش بدوونه .. هو هواها وماءها وكل شي .. ابتسمت له وهي تحرك حواجبها بخبث ..
ماجد :: وش اسوي بعد .. ابي من نفس هالحركات ..
سارة تضحك :: خليني افكر ..
^* وش القصة يا ماجد ؟؟ هي كلللها خطط تتسلى فيها وللا جد تبي تزبط العلاقة ؟؟ *^

عدد الرسائل : 2641 العمر : 33

........................
صالح بالملاهي مع زوجته وولده .. مبتسم ولابس بدلة جينز .. قميص أبيض نص كم .. وفيه نخلة مخيطة بلون أحمر .. جاية على جنب ..
ولابس كاب أحمر ..
وشوز أبيض ..
داليا .. عباة ع الكتف مطرزة بلون وردي وذهبي بارز .. ومتلثمة .. وبعينها الكحلة والماسكارا ... هذي حدودها ممنوع تحط أكثر ..
مع كعبها الذهبي العالي .. وشنطتها قس الكبيرة ..
وفارس .. لابس شورت أحمر مليان جيوب .. وبلوزة أبيض .. وفيها شوية اصفر كات ..
وشعره مفرفش ..
لابس جزمة أبيض وفيها اصفر .. مع شراب أصفر ..
وماسك يد ابوه وأمه ..
يتمشون بالعزيزية .. ومبسوطين ..
ركبوا كم لعبة .. وراحوا للسيارات .. ما يصير يركب صالح مع داليا سوا .. لأن دور بنات ودور رجال ..
فركبت داليا مع ولدها .. وتسوق بمهارة ..
وصالح ما ركب يقول يعني زهقان من السيارات ..
بعدها راحوا يقعدون بالكوفي .. وصالح يشيش ..
^* تخترب كذا حياة ؟؟؟ ويخترب كذا حب ؟؟ وللا ذا الشي مستحيل ؟؟ *^
.....................................................
ريما تصارخ بوسط المطار :: باباااااا ..
شافت أبوها من بعيد .. وهو واقف مع أمها ينترونها تجي ..
راحت لهم وضمت .. وحملت أختها جوجو تضمها وتبوسها .. مشتاقة لها موووت .. على كبر هذي أختها الوحيدة .. تتعب من الوحدة وجت جوجو تعبي الفراغ ..
هالحين ما تقدر تعيش بدونها هالنتفة ..
وسوالف وكذا .. وراحت معاهم للفندق .. ونامت لها شوي .. وبعدها صحوا .. عشان يتمشون ..
طلعت وهي لابسة عباية كتف .. ونعال مسطح عشان طولها طول أهلها وما تحب تلبس كعب وتصير اطول منهم ..
وحجاب أسود عادي .. وشنطة فيها أبيض وأسود وأحمر ..
حطت لها فونديشن وماسكارا .. ما تحب الكحل ..
وطلعوا للسوق اللي بنفس سكنهم بسانويلاغون في ماليزيا ..
وهي مبسوطة .. ماركات وأشياااء مرررة حركات ونايس .. تعجبها هالسوالف ..
.......................................
رنيم قاعدة تكلم أختها تسنيم ..
تزوجت قبل يومين .. ورنيم ما قدرت تحضر زواجها .. لأن صار عندها كويز بالجامعة (( الطب يصير عندهم اختبارات وكذا بالإجازات )) ..
المهم ... إنها ما قدرت تحضر الزواج .. وأصلا هي ما تهتم .. لأن أصلا تسنيم مو صاحبتها كثييير ..
يعني لو هو زواج أختهم الثالثة سديم .. مستحيييييييييييل تفوووته ..
بس سديم باقي كثيير عليها .. لساها بأول ثانوي ..
رنيم :: مرحبا يا عروووس ..
تسنيم :: أهلين حبيبتي .. رورو مشتاااقة لك يا دبببة ما جيتي عرسي ..
رنيم :: والله تعرفين حالتي حبيبتي .. ما قدرت .. والللللله ..
تسنيم :: العرس فاشل بدووونك .. أنا من غير شي ما عندي غير أختين .. بعد انتي ما تجين .. ما بقى غييير وححححدة ..
رنيم :: لااااا .. سوسو قدها وقدوووود ..
تسنيم :: المهم انتي كيفك ؟؟ وكيف ماجد بعد اللي صار ..
رنيم بالأول يوم طرت ماجد حمممرت .. وبعدين تفاجأت من الي قال لها عن اللي صار :: يمممه من قال لك ؟؟
تسنيم :: من يعني غيرها .. سديم ..
رنيم بغباء :: بس أنا ما قلت لسديم ..
تسنيم :: أجل أكيد شافتكم ..
رنيم فهت ..
تسنيم :: هلوووو .. ويييينك ؟؟
رنيم :: معاك .. بس كيفك انتي وراشد ..؟؟
تسنيم :: تمام .. بس لازم نرجع بعد 3 أيام ..
رنيم :: عشان زوجته اللي بالبيت ..
تسنيم :: امم ..
رنيم :: أهم شي انتي مرتاحة معاه ..
تسنيم :: ايه بعد قلبي راشد والله .. هو كل شي لي بهالدنيا ..
رنيم :: الله يسعدكم ..
تسنيم :: ويبعد أم سمير من طريقي ..
رنيم :: حرام عليك .. عاد انتي اللي جاية فوقها ..
تسنيم :: والله خايفة من اللي رح يصير لما تشوفني ..
رنيم :: والله يا بنتي أم سمير مرررة طيبة وحبوبة .. والصراحة مدري ليه راشد معرس عليها ..
تسنيم :: هيييه بتصفين معاها وأنا اختك ..
رنيم بزعل :: والله زعلانة عليكم انتم الثنتين .. يعني ما تستاهلون اللي يسويه فيكم راشد ..
تسنيم :: اقول اسكتي إذا هذا كلامك ..
رنيم :: خلاص حبيبتي .. أنا اقدر ازعلك !!!!!!
تسنيم :: ايه .. كذا أحسن ..
رنيم :: وكيفها ماليزيا ؟؟
تسنيم :: والله !! ماشي الحال .. بس حرررر مرررررررة ..
رنيم :: أيواااا .. وينكم الحين بأي منطقة ؟؟
تسنيم :: قالوا لنا سانويلاغون أحلى شي وتهبل ومدري ايش .. يعني للحين ما شفت فيها شي زايد ..
رنيم :: ورح تظلون فيها ؟؟
تسنيم :: لا .. طالعين لكوالالمبور ..
رنيم :: أيواا .. وينه الحين جووووزك ؟؟
تسنيم :: رورو حبيبي يسبح ..
رنيم :: انتي بالفندق ؟؟
تسنيم :: لا بالثيم بارك .. كللللها مسابح وكذا .. هو يسبح وينبسط وأنا أطالعه واصوره ..
رنيم :: هههههه .. وكيفه معاك ؟؟
تسنيم :: تمام وأكثر .. يجنن .. ومرررة حنون .. وطيوب ..
رنيم :: يالله حبيبتي .. انبسطي ..
تسنيم :: اوكي .. وتعالي اقول ..
رنيم :: هلا ..
تسنيم :: قال لك ماجد شي عشان انا واخوه وللا شي ؟؟
رنيم :: لا ... ما قال .. بس هو يدري .. انا قلت له ..
تسنيم :: الله يستر ..
^* يا حلو الوضعية .. راشد اخو ماجد .. هو اللي ماخذ تسنيم اخت رنيم ...*^
...........................................
تركض بالبيت بسرعة .. تمد راسها بكل الغرف تدوره .. وييينيه بسسرررررررررعة تبيه .. تبي تقول له الخبر بنفسها ..
ما تيه يدرا من أي أحد ثاني ..
تصرخ بكل مكان :: مااااااجد .. ماااااااااااااااااااااااااااجد ..
ولا احد يرد .. بالبيت طلعت لها أم سمير زوجة أخوها ..
أم سمير عمرها 35 سنة .. أكبر من زوجها راشد بسنة ..
بيضا .. ودبدوبة شوي من الثلاث ولادات اللي مضت ..
شعرها ناعم وطوييل بس خفيف مرررررة .. ولا كأنه موجود .. أنفها صغيير .. وفمها واسع شوي .. عيونها بنية غامقة ..
أم سمير :: ها سارة .. شفيك تصارخين ؟؟
سارة بقلق :: وينه ماجد ؟؟ شفتيه ؟؟
أم سمير مستغربة :: لا .. فيك شي ؟؟
سارة :: ها !! لا لا .. ماكو .. التهي بعيالك ..
أم سمير استغربت ردها .. وراحت رجعت لحجرتها .. سمير تعبان ومريض ..
سمير .. عمره 10 سنين .. بخامس ابتدائي ..
يشبه أمه نسخة منها .. وعندها بنتينها سما ورنا ..
سما 8 سنين .. ورنا 5 سنوات ..
سمير :: يمه .. تعبان حيل ..
أم سمير مو عارفة وش تسوي :: حبيبي .. خلاص انت عندك بس حرارة .. تخف بعد شوي ..
سما ملسونة :: يمه .. يقول لك اخوي تعبان .. وين ابوي ياخذه للمستشفى ؟؟
أم سمير تتنهد :: انيت اسكي يام لسانين .. ابوك تدرين انه مسافر ..
سما :: اجل حاكي عمو ماجد ..
أم سمير بدت تنرفز :: هذي عمتك تدور عليه ولا هو باين ..
سما :: طيب كلمي خالي محمد ..
أم سمير :: خالك مسافر بعد ..
سمير بعصبية وصراخ مع إنه تعبان :: خلاص طيب اسكتوا ..
رنا راحت لـأمها تبكي ..
أم سمير :: شفيك انتي بعد ؟؟
رنا :: ماما .. في صرصور هناك ..
وتأشر بصبعها الصغير على زاوية جنب الخزانة القديمة بحجرة راشد وفاطمة " أم سمير "
أم سمير :: خلاص ,, يموت لحاله ..
وهذي الحال مع المسكينة أم سمير .. مع عيالها ..
سما بصراخ ما تعرف تتكلم بهدوء :: والحين ابوي ليه سافر ؟؟
أم سمير :: عنده شغل ..
سما :: طيب ليه ما يشتغل هنا .. أصلا هو وين راح ؟؟
أم سمير عصبت :: خلاااااااص سما اسكتي شوي ..
............

عدد الرسائل : 2641 العمر : 33

............
سارة حصلت ماجد بالمسبح برا .. ومبسوط يسبح ويغني بروحه ..
سارة بصراخ :: ماجد انت هنا وانا ادور علييييك ..
ماجد يحقرها ..
سارة :: مااااااااااجد ..
ماجد رفع نظارة الماي عن عينه :: خير ؟؟ في شي ..
وقف بالماي عند المنطقة المو غزيرة كثير .. وهو لابس شورت أسود .. وجسمه مبلول وشعره ماخذه على ورا ..
كان شكله صحيح جذاب ..
سارة ببالها :: ياااااا حظ رنيم فيك ..
ماجد بعد ما انتظرها شوي ترد عليه وهي بعدها مفهيه تطالعه .. قرب شوي منها :: سااارة !!
سارة فزعت :: خير ؟؟
ماجد مستغرب غبية هالبنت :: انتي اللي خير ؟؟ وش تبين ؟؟
سارة :: ايييه ... مجود تخيل .. اليوم أخوك ارسل لي ايميل .. تخيييييل تصوووور وش يققووووول اللي ما يستحي قليل الأدب .. اللي يباله تكفييييييييييييخ ..
سارة حددها معصبة لأنها تحب مرت أخوها أم سمير وهي مرررة طيبة معاهم وما يلاقوا مثلها ..
ماجد تكهن القصة .. وببرود :: خير ؟؟ وش يقول ؟؟
سارة بعصبية :: من وين يجي الخير .. والمفهي المعفففففن اخوك متزوج على فاااااااااااطمة ..
ماجد تنهد :: طيب وبعدين ؟؟
سارة مستغربة :: انت ليش بارد .. ليش .. ليييييييش ؟؟ اقول لك متزوج .. وسفرته هذي مو عمل .. رايح يعسسسسل مع اللي ما تستحي اللي ماخذها ....
خرابة البيوت هذي .. عارفة إن الرجال متزوج .. تقبل تتزوجه فوق ام عياله ليه .. وأصلا هو ليه يفكر يتزوج .. البنات عنده والولد عنده .. وفاطمة مافي زيها .........
وكملت سارة حكيها .. وهي معصبة تبي تطلع عصبيتها بأي أحد ..
وماجد ساكت ينتظرها تخلص ..
قام من المسبح .. وحط المنشفة على أكتافه .. والشبشب برجله .. ومسك يد سارة .. وقعدها على الكراسي اللي بحديقتهم برا ..
ماجد بهدوء :: سارة حبيبتي .. اسكتي شوي ..
سارة وقفت حكي :: انت ليش كذا ؟؟ ليش مو معصب .. ليش مو مقهور .. ليييش ؟
ماجد :: سارة انا ادري من زمان عن الموضوع ..
سارة مفهيه :: تدري !!
ماجد :: ايه .. رنيم قالت لي ..
سارة مو فاهمة شي :: رنيم ؟؟؟؟؟؟
ماجد :: ايه .. راشد تزوج تسنيم أخت رنيم ..
سارة :: تسنييييييييييييييم ؟؟
ماجد هز راسه ايه ..
سارة :: طيب .. والحين وش نسوي ؟؟ راشد يقول يبينا نجهز لها غرفة بالبيت .. رح يجيبها هنا بعد يومين .. والمفروض نقول لفاطمة ..
ماجد :: عارف .. وبالأول أصلا لازم نقول لأمي .. أمي عاد كل شي ولا الغالية فاطمة ..
سارة :: وعياله هالملسونين .. هم اللي رح يلعبوا بتسنيم ..
ماجد ابتسم :: خاصة سما ..
سما وهي تنط عليهم :: شفيها سما ؟؟
ماجد أخذها عنده :: ما فيها إلا العااافية حبيبتي ..
سما بقرف :: وخر عني مفصخ وكلك ماي ..
ماجد مات من الضحك ..
راحت لعند سارة .. ولزقت فيها ..
سارة بنرفزة :: وخري عني انتي ..
ودفتها ..
سما تخصرت :: هيييييييه انتيييي .. تأدبي وانتي تكلمين بنت أخوك ..
سارة بعصبية :: وخري عني انتي يالبزر ..
ماجد رافع حواجبه :: والله مدري مين فيكم البزر ..
ولف على سما يحاكيها وحط يده على كتفها .. وعلى طول بعدت يده عنها ..
ماجد رافع ايديه إنه ما رح يلمسها :: خلاص .. عمو روحي للماما داخل ..
سما :: ايه .. أصلا أمي تبيك ..
سارة لفتتها الكلمة .. تقول لماجد بصوت خفيف :: أكيد درت ..
ماجد يحاكي سما :: طيب .. قولي لها بلبس وبجي لعندها ..
سما بدون نفس وهي تمشي :: لااا .. البس وروح شغل سيارتك .. تبيك تاخذها للمستشفى .. سم سم اخوي تعبان ..
ماجد يتنهد :: انشالله ..
راح ماجد تارك سارة بهمها وعصبيتها .. كأن زوجها اللي ماخذ عليها ..
ماجد دخل حجرته .. وراح ياخذ له شور ع السريع .. حط في شعره جل وعلى ورا ..
ولبس بنطلون جينز مع حزام أبيض .. وبلوزة خضرا كات لاكوست .. وطبعا جزما بيضا ..
والنظارة الشمسية فندي ..
وساعته ديور ..
ورش عطره 121 سكسي ..
بسرعة لقا فاطمة واقفة برا .. ومسندة سمير عليها ..
على طول راح ماجد وحمل سمير وهو يحاكيها ماشين لسيارته الموستنغ :: شفيه سم سم ؟؟
فاطمة بتعب :: مصخن .. وحرارته مو راضية تنزل ..
ماجد عشان يروق الوضع شوي :: لا لا .. سم سم رجال .. تعب شوي ويصير اووكي ..
ومشى معاها للمستوصف القريب ..
............................................
سارة مو قادرة تسكت .. وراحت لأمها بسرعة اللي كانت قاعدة بحجرتها ترتب شنطة أبو راشد رايح للبحرين مع الشباب يومين ..
سارة :: ماما .. أبي اقول لك شي ..
ام راشد مستغربة .. يعني سارة مو من النوع اللي تتكلم مع أمها بسوالفها وذي الأشياء :: خير ؟؟
سارة تنهدت وما عرفت كيف تبدا بالحكي ..
أم راشد عطت بنتها كل اهتمامها .. وتركت اللي كان بيدها .. وقعدت بجنب سارة :: ماما احكي .. شفيك ؟؟ تعبانة فيك شي ؟؟
سارة ابتسمت :: لا ماما .. بس .. راشد ...
أم راشد ماتت من الخرعة :: شفيه راشد ؟؟ شفيه ولدي .؟؟ صار له شي ؟؟
سارة على طول هدت أمها :: لا يمه ما فيه شي .. بس هو تزوج .
أم راشد فهت :: تزوج ؟؟!!!!!!!!
سارة :: ايه يمه .. تزوج على فاطمة .. وهو الحين مع مرته الجديدة بماليزيا ..
أم راشد بصدمة :: تزوج على فاطمة ..!!!!! من قال لك ؟؟
سارة :: هو قال لي .. ارسل لي اليوم ايميل .. ويقول إنه رح يجيبها هنا للبيت .. ويبي نجهز لها غرفة .. وجايين بعد يومين ..
أم راشد بعصبية :: لااااا .. أنا مادخل أي احد بيتي .. وبعدين .... رايح لماليزيا اكيد ماخذ له وحده من هاللي هناك ..
سارة :: لا لا يمه .. مو من هناك ..
أم راشد :: انتي شدراك ؟؟
سارة :: ماجد قال لي .. إنه تزوج تسنيم أخت رنيم ..
أم راشد بردت اعصابها شوي .. ع الاقل هي تعرف تسنيم .. وتدري إنها خوش بنت :: ومن متى تدرون ؟؟
سارة :: انا تو قبل ساعة .. ماجد اللي يدري من زمان ... رنيم مخبرته ..
أم راشد :: وفاطمة ؟؟
سارة :: هي اللي مفرووض نخبرها ..
ام راشد :: طيب .. انا بقول لأبوك .. والله يعينا على سما لي درت .. والله محد بطلع بتسنيم قرون إلا سما ..
سارة ابتسمت .. نفس الكلام اللي يقول له ماجد ..
طلعت من أمها وهي تعبانة وما لها خلق شي .. عاررفة إن مع اللي سواه راشد رح تنعفس الأوضاع بالبيت .. ورح تزيد المشاكل ..
.......................

عدد الرسائل : 1252 العمر : 31 my mms :

والله مررررة روووعـــة

يسلموو ياعسل

عدد الرسائل : 325 العمر : 36

يسلمواااا
وناسة واكشن
بس متى بتنزلين البارت الجاي؟؟؟
لاتطولين علينا

عدد الرسائل : 2641 العمر : 33

.......................

ريما ارتاحت .. وبعدها طلعوها أهلها للمطعم اللي بنفس الفندق ..
أكلت على خفيف .. بعدها على طول راحت ركض للمجمع اللي ورا الفندق على طووول ..
وفيه سكيتنغ على الجليد تحت .. نااايس عز الطلب .. وهي فنانة بالسكيتنغ ..
مبسوووطة ومرتاحة كثير .. ومدلعينها أهلها ..
....................
حنين مع ناصر ببيتها ..
قاعدة معاه بالمجلس .. وحكي خفيف .. وحيا معظم الوقت .. لساها ما تعودت عليه .. وما صار لهم اسبوع من ملكوا ..
وفجأة وهم يحكون .. دخل متعب بدون احم ولا دستور ..
حنين تكرررره هالحركة .. وعصبت على طول :: خييييير ؟؟ في شي اسمه طق الباب ..
متعب مطنش .. وراح لناصر يسلم عليه :: هلا بالنسيب ..
وحب خشوم ..
ناصر مبتسم :: هلا فيك ..
متعب :: استريح استريح ..
حنين :: والله !!!
متعب مطنشها ..
حنين رجل على رجل وتهز رجلها المرفوعة بتوتر وعصبية .. ومتكتفة ومتسندة ..
ناصر :: هاااه ؟؟ وش اخبارك ؟؟
متعب :: تمام .. انت وشلونك .. وكيفها البيبي معاك ؟؟
ناصر رفع حاجب :: أي بيبي ؟؟
متعب :: ذي .. ( ويأشر على حنبن )
حنين :: انا بيبي ؟؟
متعب :: ايه ..
ناصر :: لا لا لا ..
متعب :: هيييه انت .. لا تدافع من هالحين .. لي صارت ببيتك اذبحني بس هالحين خليني اسلي حالي معاها ..
ناصر يضحك عليهم .. يونسون ..
...............................................
دانيال صار بالطيارة .. وتعبه مليووون .. بس مصحيه الشووووق لحبيبته لورين ..
.........................
علي .. يفر بالمجمع .. يمكن يلاقي احد تايه .. وتطلع له سارة من الأرض مرة ثانية ..
تعب ومل من الحوسة .. ورجع لأمه .. يسولف معاها .. وعلى نفس الموال .. طرت له الزواج والمدري ايش ..
تنرفز وراح طلع من البيت .. يبي يلتقي مع واحد من اخوياه ..
علي :: الووووووووه ..
:: هلاااا والله بعليوي .. وشلوووووونك ..؟؟
علي :: هلا هلا هلا ببو صلووووح .. انا تماااام انت كيفك ؟؟
... "" وغيرها من حكي العربجة "" ...
علي :: يالله تجيني وللا اجيك ؟؟
:: لا تعال .. بيتي ..
علي :: اوووكي .. انتظرني خمس دقايق .. وانا عندك ..
:: حياك .. البيت بيتك ..
.........................
طلع صالح من المجلس اللي كان قاعد فيه .. وراح للصالة هناك دلوووعته داليا ..
صالح :: دلوعتي ..
داليا :: هلا ..
صالح :: الحين علي صاحبي بيمرني .. سوي شاي قهودة ..ومعسل يعطيك العافية .. والضيافة ..
داليا :: يا حليله علي .. من زمان ما التقيت فيه ..
صالح :: أي والله يا حليله .. متذكرن يللحين ..
داليا بابتسامة :: للحين ما تزوج ؟؟
صالح :: لا .. ويالله شدي حيلك واطلبي له بنت الحلال ..
داليا :: لا لا .. إلا ذي .. هذي مسؤوولية مو لعبة ..
صالح :: طيب ياللي تخافين من المسؤولية .. لا تنسي الضيافة ..
داليا :: يالله قايمة ..
..............................
بدر قاعد ياكل بالحلاوة .. ويزط يزط بالأكل .. خبركم .. ببيت جده .. مافي رقااابة .. وأمه مع عماته وجدته ومنشغلة عنه ..
سعد :: هيييي يو بدر .. ستوب ايتينغ ..
(( هيه انت بدر .. وقف أكل ))
بدر مطنش :: اتس نت يور بزنس ..
(( مو شغلك ))
سعد :: هاو كان ات بي نت ماي بزنس .. يو ار ماي بروذر اند آم افريد ان يو ..
(( كيف مو شغلي .. انا اخوك وخايف عليك ))
بدر :: شت يور موث ..
(( جب ))
سعد :: بدر .. بليييز .. اف يو لوف مي .. ستوب ايتنغ .. أور.. آي ول تل ماي فاذر ون هي كم باك ..
(( بدر .. تكفى .. إذا تحبني وقف أكل .. وللا ابقول لابوي إذا رجع ))
بدر اول مرة يصير مطنش لهالدرجة :: اتس اوكي ... تل ماي فاذر ..
(( عادي .. قول لأبوي ))
سعد سحب الحلاوة من أخوه .. ورماها بعيد :: ذاتس بتر ..
(( كذا احسن ))
..................................................
يعقوب مسكين منهلك بالدوام .. وتعبان حيل .. كارف حاله ع الآآخر .. عشان يرجع بأقرب وقت ممكن ..
..................
ابو ريما يمشي مع اهله وكلللهم بالثيم بارك .. ريما ناويه تسبح بحجابها ..
وحوووسة ووناسة .. وريما وابوها يسبحون .. وأمها ماسكة جوجو ..
وهم يسبحون التقوا باللي ما توقعوا انهم يلتقون فيه ابددددددا
طبعا مين ممكن يكون غير زوج العمة فاطمة ... راشد ...
ابو ريما متفاجئ .. وراشد واضح عليه مفتشل ومو عارف وش يسوي .. ما قالت له فاطمة إن أخوها رايح لماليزيا .. ما كان وطوط هناك ..
راح محمد يسلم على راشد .. وريما تحاكي أمها ..
ريما :: من ذي اللي معاه ؟؟
ام ريما :: مدري والله من تكون ..
ريما :: اخته ؟؟؟
ام ريما :: ما توقع .. بس انا ما عرف خواته يمكن اخته بنت اخوه .. شي .. بس قولي وش جابه لهنا ؟؟
مشوا ريما وأمها لعند الحرمة اللي مع راشد ..
ريما بهبال :: مرحبا ..
تسنيم وهي مو عارفة الحين الوضع كيف بدو يصير ..
تسنيم :: أهلين ..
أم ريما :: السلام عليكم ..
تسنيم :: وعليكم السلام ..
ريما بهبالها المستمر :: أنا اول مرررة اشوفك مع رويشد زوج عمتي فطوم .. انتي اخته ؟؟
تسنيم تتنهد في بالها :: يا قلبيييي .. وش الدبرة هالحيييين ؟؟
تسنيم :: عن اذنكم ..
ومشت تسنيم على طووول وراحت لبعيد .. ما تدري وين تروح عشان تبتعد عنهم .. وتنشغل بحالها ..
أم ريما تحاكي بنتها :: وينها ذي راحت ؟؟
ريما رافعة حاجب وما اعجبتها حركة تسنيم :: مدري عنها ذي المنهبلة ..
وبجهة قريبة كان ابو ريما يحاكي زوج أخته راشد :: زوجتتتككك ؟؟؟
راشد وهو منزل راسه :: ايه يابو ريما .. هذي زوجتي .. وانا مابي اغبي الموضوع .. انا تزوجتها بالحلال .. وعلى سنة الله ورسوله .. والزواج اشهار .. وانا مو ناوي اغبي ..
ابو ريما اعصابه تلفت :: واختي ؟؟؟
راشد بعفوية وبصدق :: والله والله يا بو ريما إن زوجتي فاطمة تظل زوجتي .. وتظل العزيزة الغالية .. والله العظيم يا ابو ريما .. إن لو جتك لمحة من فاطمة إنها متضايقة مني .. والله إني لأطلق هاللي أخذتها ..
ابو ريما متفاجئ من كلام راشد .. وش هالتناقض .. يعني يالعمى بهالعين تحبها واضح .. وتعزها وتغليها .. ومتزوج عليها !!
ابو ريما :: ولييييييييييه !! وليه اللي سويته ؟؟ ليه تتزوج على اختي ؟؟ اكيد ما تدري .. ما وصلني خبر . .
راشد بهدوء :: لا ما تدري للحين .. بس انا راجع بعد يومين ..
ابو ريما :: وتحطها امام الأمر الواقع !!
راشد :: ................
ابو ريما :: انت عارف إن أنا كل اللي عندي هالأخت ..
راشد :: انا قلت يابو ريما .. أنا وياها ما رح يتغير شي .. ولا تنسى أنا عيالي كللهم من فاطمة .. ولا ابي عيال من غيرها ..
ابو ريما بقهر :: نشوف ...
ومشى ابو ريما لعند زوجته وبنته وهو مطنشهم .. وماشي قدامهم ..
خسااارة على ريما هاليوم طار عليها بالثيم بارك .. وطلع أبوها منرفز ..
................................
راشد لف يدور تسنيم .. ما لقاها .. شوي لف وبعدين حصلته هي وراحت له ..
تسنيم :: هذا اخو فاطمة !!
راشد :: قالوا لك ريما وأمها ؟؟
تسنيم :: ايواا ..
راشد :: وقلتي لهم انتي مين ؟؟
تسنيم :: ما قلت لهم شي .. اعتذرت ومشيت ..
راشد :: وليه ما قلتي إنك زوجتي ..!!
تسنيم بهدوء :: لأني مدري متى ناوي تخبر ..
راشد :: امم .. المهم .. انا قلت لأبو ريما ..
تسنيم سكتت .. الله يعدي الموضوع على خير ..
......................................

عدد الرسائل : 2641 العمر : 33

......................................
ريما بدلع :: باباتي ..
ابو ريما كلللش مو بالمووود .. وهم ماشين بالماينز وندرلاند .. طلعوا من الثيم بارك بكير ..
ابو ريما روق شوي .. بس ماله مزاج دلع ريما ..
محمد :: هلا بابا ..
ريما :: بابي .. قال لك راشد من تكون ذي اللي معاه ؟؟
محمد يتنهد :: زوجته ..
ام ريما وريما باستغراب :: زووووجته ؟؟
محمد ما يبي أسئلة هو بقول الموضوع كامل ويسكتون أحسن :: ايه .. تزوج قبل فترة .. واسمها تسنيم .. وعمرها 27 سنة .. دارسة وتشتغل .. وتكون أخت خطيبة ماجد أخوه .. وفاطمة ما تدري .. رح تدرا بعد يومين لما يرجع راشد ومعاه هاللي خذاها ..
ريما :: يممممممممه .. وش ذا هالهبال ؟؟ هالمعفففن كيف يتزوج على عمتي ..
ام ريما ساااكتة .. بدون أي ردة فعل .. ببساطة فاطمة حماتها وما تحب تحتك فيها كثير .. يعني تبعد راسها عن وجع الراس تبع الحماوات .. يعني تزوج عليها انتهينا سو وات !!!
..............................
:: آخذك للبيت ترتاحين ..!!
:: لا لا .. انت لو تبي تروح روح .. أنا بظل هنا ..
:: لا لا .. سمسم يبيني معاه أصلا .. انتي يا حرم اخوي اخذك للبيت ..
فاطمة تبتسم على كلمة ماجد :: انا اقول لك بصفتي حرم اخوك المصون .. ابقعد هنا .. وتقدر تروح لبيتك ..
ماجد :: فطوووم .. لا تعاندين أنا باخذك وبرجع له ..
فاطمة بعناد :: لا يا ماجد .. خلاص .. أنا اظل معاه ..
ماجد عاوي فمه على تحت ويرفع كتوفه ويبعد نظره عنها :: خلاص وانا قاعد معاه بعد ..
سمسم بتعب :: خلااااص والله خلاص .. ترا كللها ساعة .. يخلص هاللي مركبينه فيني ونمشي ..
ماجد بعتب لفاطمة :: كذا تمسخريننا قدام الولد !!
فاطمة تضحك على ماجد وتقعد ع الكرسي جنب سمير عشان حاطين له مغذي وكمادات ماي باردة عشان تنزل حرارته ..
وماجد ظل واقف عند الباب تبع الغرفة اللي بالمستوصف .. ينتظر .. وسمير منسدح تعبان ..
........................................
دانيال أخيرا وصل لأمريكا .. وما لقاها ..
هو قال لها إنه راجع بهالوقت .. قال لها إنه يبيها تكون أول من يشوفها .. أول من يضمها ويسلم عليها .. بس ماكو .. وينها ؟
مشى شوي وهو حامل شنطة لاب توب على كتفه .. ويسحب شنطة ثانية حمرا فيها كم لبسه له ..
والكاب الأخضر على راسه .. ومنزله حتى عينه مو باينه زين ..
يمشي مو عارف هي جت وما شافته وللا ما اهتمت .. انتظر شوي قبل ياخذ له تاكسي ويمشي لشقته ..
ما لقى أحد .. مشى لشقته وكان الوقت ظهر تقريبا ..
وصل .. تعبااان أكيد .. ويبي يرتاح ... دخل لشقته اللي تعيش معاه فيها صاحبته لورين وخويهم سامو ..
هذا سامو بعد عربي من سوريا .. وعايش معاهم بالشقة لأنهم كلللهم يدرسون سوا .. وصاروا أصحاب ..
الموووهييييم .. إنه دخل أخلاقه بخشمه لأنه ما شاف لورين ..
دخل .. وما سمى بالرحمن إلا وشاف لورين بالشقة .. ومعاها واحد .. عادي قاعدين ..
بس الولد اول مرة يشوفه ..
دخل .. ودانيال طويييل مرررة .. وأبيضاني .. شعره أسوود .. وملامحه عربييية ..
وقف مفهي .. يظل تفكيره عربي .. يعني لورين حبيييييبته ويظل يتملكها .. وما يبيها تدخل أي واحد لشقتهم ..
وقف مفهي طبعا .. ليما انتبهوا له .. لورين قامت طبيعي ... سلمت عليه .. ببرود ..
دانيال بابتسامة :: آي مس يو ..
(( اشتقت لك ))
لورين :: آي مس يو تو ..
(( وانا بعد اشتقت لك ))
دانيال ياشر على الولد اللي بالشقة براسه :: هو أز ذس ؟؟
(( من ذا ؟ ))
لورين تبتسم :: هي از ما ي فريند .. هي جست كايم فروم انوذر ستيت .. أند هي لايكد تو كم هير ..
(( هذا صديقي تو جا من ولاية ثانية وحب إنه يجيني ))
دانيال :: اممم ..
لورين :: كم ان هني .. يو مست بي تايرد ..
(( ادخل حبيبي .. انت اكيد تعبان ))
دانيال وهو مطنش :: يس أي آم ..
(( ايه تعبان ))
دخل دانيال وهو تعبان ع الآخر .. يعني كان يبني أحلام كبيرة على لورين كيف رح تكون وكيف هو مشتاق لها مع أنه غاب عن أمريكا بس 3 أيام ..
راح لحجرته اللي معاه فيها لورين .. دخل قط أغراضه ع الأرض .. والحجرة حوووسة مرررة .. واغراضها في كل مكااان ..
عادي متعود على كذا ..
انسدح ع السرير بكللل شي .. وناام من التعب ..
طلعت لورين للي كان قاعد معاها وطلعته برررااا ..
سامو اجا تعبان وماله خللق :: هاي لورين ..
لورين وهي قاعدة تشيل الصحون اللي كانت موجودة بالصالة :: هاي ..
سامر :: دد دان كم ؟؟
(( اجا دان " اختصار دانيال " ))
لورين :: يس .. هي از ان هز روم .. سليبنغ ..
(( يب .. هو في حجرته .. نايم ))
سامو نط على دانيال نايم بحجرته .. صدييقه وأقرب وااحد له هنا بالغربة ..
سامو :: داااااااان .. ويك اب وييييك اب ..
(( اصحى ))
دانيال قام بتعب :: يوووووه .. بليييز سام قو اوي ..
(( تكفى سام ابعد ))
سامو واقف ع السرير :: ويك اب .. بليييز .. ذير أز الت اف ثنقز يو شد نو .. اند .....
(( اصحى تكفى .. في أشياء كثيرة انت مفروض تعرفها .. و..... ))
وكمممل سامو حكي .. ودان يسمع له وهو نص مفتح ..
..........................................
فاطمة :: يعطيك العافية والله ما تقصر ...
ماجد وهو يحط سمسم بالسرير في حجرته :: يسلمك .. عاد أنا كم مرت اخو عندي ..
فاطمة موووتها هالماجد تحسه مثل أخوها أو أقرب بعد .. وهو يحسها مثل أخته :: تسلم والله مو عارفة كيف اشكرك ..
ماجد :: شفيك هاليومين .. تراه ولد اخوي بعد .. يعني .. واااجبي يا بنتي ..
فاطمة :: يعطيك العافية ..
ماجد يضحك :: والله لو اظل واقف هنا ما رح تسكتين .. مع السلامة ..
فاطمة :: الله يسلمك .. والله يا حظها رنيم فيك ..
ماجد :: ايه بالله يا حظها فيني ..
فاطمة ضحكت على ماجد .. ورجعت لعند ولدها ..
وماجد طلع .. مواعد رنيم يمرها وتمشون "" تزبطت العلاقة بعد البوسة Smile

""
.........................
سما قاعدة عند أخوها :: سمسم صرت بخير ؟؟
سمير وهو نايم أصلا ما يدري عن الدنيا تعباااان .. بس يبي المخدة ..
رنا ام خمس سنين جت تمشي وهي دبدوووبة وقصييرة .. تجنن ..
رنا :: سما ..
سما ما تحب رنا لأنها ماخذه الدلع كلله وهي تغار :: وخري عني مابيك ..
ودفت سما أختها وطاحت على راها .. طبعا .. طيحة خفيفة بس هي طفلة .. بكت .. واجت فاطمة ركض .. كانت رايحة تسوي كمادات لسمير .. ما امداها خمس دقايق إلا وبدت لعانة سما ..
المسكينة .. هي هنا مع عيالها .. سمير تعبان .. وسما عنيييدة ورنا دااايم تبكي ..
عاذرة راشد تفكره رايح عمل .. ما تدري عن الحقيقة ....
..............................................

عدد الرسائل : 2641 العمر : 33

......................................................
:: يالله أنا ع الباب ..
:: اووكي .. الحين طالعة ..
طلعت رنيم كااشخة .. وتليق تمشي جنب ماجد اللي ما يحب أحد يمشي جنبه خااصة سارة .. بالمجمعات وكذا .. لأنها ما تشيل السماعات من اذنها وتهقل بمشيتها كأنها عربجية مع انها سويت ..
رنيم وهي تركب السيارة :: هلا ..
ماجد يحب يتغزل فيها كثير لأنها تستحي وهو يعشقها إذا استحت .. يحسها جددد بنت :: هلا وغلا .. هلا بحياتي ..
رنيم استحت كالعادة :: كيفك ؟؟
ماجد مكمل غزل وهو يسوق وكل ثانية يلف عليها يطالعها عشان يزيد الحيا ويشوفه :: والله دامه القمر بجبني أنا فل الفل ..
رنيم سكتت ..
ماجد :: تجين معي لبيتنا ؟؟
رنيم من قال بيتنا .. خافت يسوي لها حركة هنا وللا هنا مثل ذاك اليوم في بيتها .. قالت خلنا ع الأماكن العامة أحسن :: نروح لمجمع وللا شي أحسن ..
ماجد فااهم عليها وأصلا هو قاصد :: لا لا .. تعالي للبيت .. أمي طابخة .. نتعشى عندها ..
رنيم ما عندها عذر ترفض :: اوكي ..
ماجد ابتسم .. وساق لبيته .. هناك صفط بالكراج .. ونزلت معاه رنيم .. دخلوا لبيتهم ..
أول ما دخلوا .. كانت فاطمة تبكي .. وسارة حاضنتها .. وأم راشد قاعدة على جنب تهديها ببرود ..
ماجد في باله :: أكيد درت عن راشد ..
ورنيم مستغربة الوضع .. بس واااضح إن فاطمة درت عن راشد ..
ماجد ورنيم :: السلام عليكم ..
أم راشد :: وعليكم السلام ..
سارة صارت تحتقر رنيم عشان حركت أختها .. وهي اللي كانت تبي تصلح العلاقة بينها وبين ماجد الحين يوم اصلحت .. تبيها تخرب .. وتبعد هالخوات عن اخوانها ..
ماجد :: شفيك فاطمة ؟؟
فاطمة تنزل دموعها بصمت .. سكتت وما ردت عليه .. تدري إنه يدري ما قال لها .. تعتب عليه .. لأنها كانت تكلم راشد وهو مع زوجته الثانية .. تكلمه على طوول وتتطمن عليه وتهتم فيه وهو بعيد .. وقلبها عنده ..
مخدووعة ... يا قبح الوضع عندها ..
ماجد قرب من فاطمة اللي كانت قاعدة بعباتها الكتف وحجابها كالعادة عشان ماجد بالبيت :: فطووم ..
فاطمة بصوت خفيف :: خلاص ماجد ..
رنيم واقفة بمكانها .. مو عارفة تدخل وللا وش تسوي ..
أم راشد :: حياك رنيم ..
رنيم بحيا :: الله يحييك .. إذا الوقت مو مناسب .. امشي ..
ماجد :: لااا .. وش ....
قبل لا يكمل قاطعته سارة اللي حددها انقهرت على مرت أخوها فاطمة .. خاصة إن سما بعد درت وعفست الدنيا فوق تحت صراخ وعصبية .. والحين حابسة حالها بحجرتها .. معاها جدها اللي كنسل طلعته .. وظل يحاول فيها تطلع ..
سارة :: اييه اطلعي .. اطلعي من البيت ومن حياتنا بعد .. واسحبي معك اختك خرابة البيوت اللي ما تستحي ..
ماجد بصراخ :: سارة اسكتي ..
رنيم بهدوء .. وبصوت بالموت ينسمع :: أنا آسفة ع اللي سوته ختي.. بي انا ...
قبل تكمل قام ماجد عندها :: رنيم لا تعتذرين .. تعالي ...
مسك يدها وركبها للسيارة ..
رنيم مو من النوع اللي يبكي على طول .. بس كثير أثر فيها الموقف واحرجها ..
ماجد بعد منحرج من اللي سوته أخته :: اعذريها رنيم .. يعني بس عشان سارة متعلقة بفاطمة كثير وهي كل شي عندها بهالدنيا .. وما كبرت سارة إلا وفاطمة موجودة .. وهي بس زعلانة عليها ..
رنيم بتفهم :: ايه .. عاذرتها ...
ماجد بابتسامة :: طيب .. فرفشي معاي .. عاد أنا كنت مببسوط اليوم ..
رنيم تبتسم له :: مفرفشة معاك ..
..................................
:: اطلعي حبيبتي .. يالله عشاني اطلعي ..
:: ما رح اطلع يعني ما رح اطلع .. ماااابي ..
:: عشاني انا مشتاق لك ابي اشوف وجهك .. يالله اطلعي ..
:: ماااابي اشووف وجهك مابييييييك ..
ابو راشد مل على هالحفيدة كود تفتح الباب .. مو راضية .. سما طول عمرها عنييدة وراسها يابس ..
راح ابو راشد لعند سمير يتطمن عليه .. لقاه نايم .. ورنا بعد نايمة ..
تركهم .. ورجع نزل لعند فاطمة ..
ابو راشد بزعل من حركة راشد :: والله يا بنتي اللي تبينه انتي هو اللي يمشي .. لو تبينه يطلقها اخليه يطلقها ..
فاطمة بهدوء :: لا يا عمي .. خلاص .. هو تزوجها .. وإذا كان عافني انا مابيه ..
سارة :: وتتركينا ؟؟
فاطمة :: لا .. انا اترك كل شي إلا انتوا .. انتوا عيلتي ..
فاطمة متزوجة راشد من 11 سنة .. وكثييييييير متعودة على بيت ابو راشد وهم متعودين عليها .. هي مثل بنتهم وهم مثل أهلها ..
ام راشد ساكتة .. يظل راشد ولدها .. وما تقدر تصف مع مرته ضده ..
..............................................
علي وهو يشرب القهوة :: هااااه ؟؟ وش اخبارها حرمك المصون ؟؟
صالح يضحك :: دلووووووعتي .. بخير ..
علي يضحك عليه .. طريقته وهو يقول دلوعتي يخلي الواحد يضحك غصب :: يا حليلك والله .. إلا وينه فارس ؟؟
صالح :: لحظة اشوفه ..
وراح صالح للصالة طالع من المجلس .. ولقا داليا بالصالة .. وتبكي .. تبكي تبكي .. ودموعها بشكل مو طبيعي ..
صالح اخترع عليها كثييير :: داليا .. شفيك ؟؟
داليا مو قادرة توقف بكي .. وقالت بصوت مقطع :: خالتي أم صالح ..... توفت ..
طبعا صالح صدمة حياته .. هذي أمه ... أممممه .. توفت .. كذا تقولها له .. توفت .. يعني خلاص ما عاد يشوفها ..
خلاص ما عاد تقول له لا تزعل دلوعتك .. ما عاد تقول له تعال حبيبي ابسوي لك ربطة حذائك اللي للحين ما تعرف تربطه ..
ما عاد في من يمسح ع شعره مثل الأطفال .. خلااااص .. ما عاد فيه احد يقول له يا وليدي ..
وهذي أمه لحقت بأبوه عند رب العالمين .. هذا هو صار يتيم الأب والأم ..
هذا هو ..
لمن نفقد الأم .. نحس بغلاوتها .. نحس بطعم الكلمة يا وليدي .. نحس بطعم دعواتها اللي نضحك لطووولها ولكثرتها ..
نحس إننا انحرمنا من لمسة يدها .. نس بضعف ..
راح الحضن اللي نرتمي فيه لما نبيك .. لما نضحك .. لما نتعب ..
أمي .. الحين بس يحس صالح إنه طفل ويبي أمه .. يبيها .....
داليا وهي تبكي ضمت صالح .. يبكي عندها مثل الطفل .. جالس ع الأرض عند رجلها .. وهي ع الكنب ... ماسك رجلها بقووة .. يبي يطلع الحزن اللي فيه .. يبكي بدون صوت .. بس ماسكها حيين .. كأنه يقول انتي بعد لا تروحين ..
داليا زاد بكيها يوم شافت زوجها صالح اللي ما يبكيه شي كذا ..
كل شي ولا صالح يبكي .. داليا تنهار ..
حمرت عينه من الدموع ..
رفعت داليا راسه تشوف وجهه المليان دموع .. تشوف عينه حمرا .. تشوف الحزن كلله مرتسم في وجهه .. بدموعها تبي تهديه .. تبي تقوله سمي بالرحمن .. تبي تقول له هذا أمر الله .. وهذي أمانته أخذها .. بس مو قادرة تنطق وهي تشوف شكله ..
..................................................
:: متى نتزوج ؟؟
تفاجئت من سؤاله اللي ما كان له مقدمات :: وش جاب الطاري ؟؟
:: انا مو قادر اصبر ..
كلمته قطعت فيها كل عصب .. وش ذا بالوجه كذا !! .. سكتت ..
:: شفيك ما تردين ؟؟
:: ولا شي ..
:: متى ؟؟
:: مدري .. أنا لساني صغيرة .. يعني .. انتظر لك سنتين ..
ناصر بصدمة :: سنتين ؟؟؟؟؟
حنين بإصرار :: ايه .. إذا مو أكثر .. انا تو طلعت من ثانوي .. على طوول اتزوج .. وبعدين لازم نجهز لنا شقة .. مكان نعيش فيه .. لازم أول شي نضمن حياتنا ..
ناصر :: أهم شي شغلي مضمون .. وع السكن نقدر نخلص تأثيث شقة بشهرين ثلاثة ..
حنين :: ايه بس انا مابي اتزوج الحين ..
ناصر :: بس انا ابي ..
حنين بإصرار ومستحيل تتنازل :: بعد سنتين وللا طلق ..
ناصر يدري إنها تمزح :: مجنون أنا أطلق ..
حنين :: ايه خليك كذا وانتظر سنتين ..
ناصر تنهد باستسلام .. ما يغلبها ..
.................................

عدد الرسائل : 2641 العمر : 33

.................................
راشد :: يالله تسنيم .. جهزي الأغراض ..
تسنيم تتنهد .. ما امداهم ينبسطوا صار لازم يرجعوا :: اوكي ..
قامت تجهز أغراضه .. وأغراضها وشنطهم .. عشان يرجعون .. وتواجه ضرتها فاطمة ..
راشد ولا مرة قال لتسنيم حبيبتي .. وللا احبك .. وللا حياتي وروحي وللا شي من هذا .. مع أنها مغرررقته من هالحكي ..
طيب ايه .. بس عادي في معاملته .. ما يحسسها بالحب ولا يحسسها بشي ..
يالله يمشي الحال .. أهم شي زوج .. هي كبرت وصار لازم تتزوج وتصير أم ..
......................................
أم راشد بالبيت جهزت غرفة لراشد وزوجته الثانية تسنيم .. قريبة من غرفة فاطمة .. واللي يقهر إنها أحلى منها ..
فاطمة طبعا مقهورة .. سما أخيرا رضت تطلع لما اجتها سارة تحكي معها .. وطلعت ..
فاطمة مثل ما هي .. ما تبي تشوف أحد معصبة .. حتى على عيالها ما يمديهم يقولوا كلمة عصبت ..
ابو راشد متبهدل فيهم .. ومو عارف كيف المفروض يتصرف .. هو ما يرضى على فاطمة ..
بس راشد بعد ولده .. وأم راشد الشاطرة .. في صف راشد .. بس ما تبي تزعل ولدها منها ..
سارة اللي مو متقبلة الوضع نهاااائيا ...
..........................................................
علي قاعد بعزا أم صالح ..
صالح مررة تعبان ونفسيته رايحة فيها .. مو قادر يوقف بكي .. يحس إنها آخر شي بقى له وآخر شي يربطه بالحياة وراح ..
خلاص ... إذا أمه ماتت من بقى بهالدنيا بغلاوتها !!
علي مررة حزنان على صاحبه وخالته اللي ما تسر أحد .. ما يقدر يسوي شي .. واقف معاه .. يحسه محتاج من يدعمه .. يحتاج اللي يقويه ..
وصالح ما عنده أخوان .. وحيد بين 4 بنات .. خواته كلهم متزوجات ما عدا الصغيرة أمل .. عمرها 17 سنة .. وهي اللي كانت عايشة مع أمها .. بس طبعا هي بعالم وأمها بعالم ثاني .. ما تلتقي بأمها إلا مرة بالأسبوع مع أنهم بنفس البيت ..
لأنها كثيرة طلعات وروحات وجيات .. وما تهتم لأمها ولا هي نعطيتها وجه ..
هي كذا .. تحس بالراحة وهي عايشة بروحها لا رقيب ولا حيب وأمها كبيرة بالسن ما تقدر عليها ..
والحين بعد ما راحت هالأم اللي كانت الوحيدة اللي لأمل بهالدنيا .. وش تسوي من بعدها !!
كل أخوانها عندهم أزواجهم .. عندهم اللي يكون معاهم .. بس هي .. ولااااا أحد .. لا أب ولا أم ولا زوج ..
.....................................
ماجد قاعد مع رنيم ..
ماجد :: اليوم نروح نجيب راشد وزوجته من المطار ..
رنيم :: تبيني أروح معاك !!
ماجد :: أنا قلت نروح .. يعني أكيد أنا وياك .. ورح تكونين معاي .. وبعدين انتي ما تسألين .. انتي وين ما تبين تروحين .. تروحين .. بعيوني أشيلك واوديك ..
رنيم ابتسمت ...
ماجد قرب منها وكانوا قاعدين بمجلس بيتها :: حبيتي ..
رنيم :: همم ..
ماجد :: قولي لي أحبك ..
رنيم تحبه .. بجد بجد وبضمير .. وتحبه للنخاع .. بس ما تقدر تقولها .. كذا تقولها له بوجهه وهي تطالع بعيونه ما تقدر ..
تحس لسانها ينربط ..
رنيم :: يالله عاااد .. انتي تدري مو لازم اقول ..
ماجد ويقرب لها أكثر :: يا تقولين وللا ابوسك ..
رنيم بداخلها كانت بتموووت من الضحك .. يا حليله جد يحبها ..
رنيم :: والله !!!
ماجد وهو صار قريب من وجهها كثير :: ايه ..
رنيم سكتت .. ولا كلمة ولا حرف .. وصارت تطالعه فيه ..
يعني ماجد فهمها .. وكملها بطريقته .. ;(
.........................................................
داليا وهي لابسة عباتها ولفتها السودا وكل شي حولها أسود .. الحريم جايين يعزون لأم صالح ..
أمل وخواتها الثلاث موجودات .. ومعاهم زوجة أخوهم داليا ..
الكبيرة فيهم أم حسين " على اسم ابوها : عندها ولد واحد بس .. كبير وما تبي تجيب غيره لأنها تشتغل ورح تبتلش بالعيال .. وهي ما تبي تخرب حياتها المهنية .. وزوجها مو من النوع اللي يحب العيال ..
واللي بعدها أميرة .. متزوجة من زمان .. وما جابت عيال .. دايم يقولون هي وزوجها إنهم سليمين وما فيهم شر .. بس مع ذلك .. ما يجيبون .. يعني الله مو كاتب لهم ..
واللي بعدهم أسيل .. هذي الدلوعة .. متزوجة واحد غني .. وعايشة بعيد عنهم بمنطقة ثانية .. عايشة حياتها بجميع الأشكال ..
طبعا ما تحب الأطفال وتكرهم بضمييييير .. وحارمة زوجها منهم .. تغافلة وتاخذ حبوب منع حمل .. فاكرته ما يدري ..
(( شبصير فيك يا أسيل مع ذا الحركة !!!! ))
اجت لعزا أمها وهي كلها ماركات من فوقها لتحتها كأنها جاية تستعرض مو جاية عزا ..
بعد البنات الثلاث صالح وبعده أمل ..
داليا تحاكي أمل اللي قاعدة بجنبها .. ولابسة بنطلون جينز ماركة أرماني جايبته لها أسيل .. وقميص بربري .. وحاطة شال أسود على راسها .. ومتسندة على الكنب .. تطالع بالحريم الموجودات .. كيف يطالعون فيها .. بعين شفقة ورحمة ..
داليا بصوت خفيف :: أمل .. قومي لبسي لك شي أسود بدل هذا اللي لابسته ..
أمل وصوتها كان عالي بدون مراعاة للموجودين حولها :: والله كيفي .. البس اللي ابيه والعزا مو شكليات ..
داليا تفاجأت من ردة الفعل الغير متوقعة .. وسكتت .. هي عارفة طبيعة أمل .. كبريت ..
بعد كم ساعة طلعوا الحريم .. وما ظلوا غير الخوات وداليا ..
صالح خلص عزا الرجال .. تركه علي .. فرجع لبيت أمه اللي قاعدين فيه خواته ..
صالح والحزن باين عليه :: السلام عليكم ..
الكل :: وعليكم السلام ..
على طول راحت له داليا .. مسكت يده وهي واقفة قباله .. تب يتخفف عليه وتشيل عنه .. تبي تحسسه بكل الطرق إنها معاه ..صالح :: كيفهم خواتي ؟؟
كان يكلمها بصوت خفيف وردت عليه بنفس الصوت :: تمام .. انت كيفك ؟
صالح يطالعها .. كأنه يقول لها انتي دارية اني مو زين ..
داليا :: تعال استريح ..
صالح قبل يتحرك من مكانه :: وين فارس ؟؟
داليا :: أخذته أمي معاها لما طلعت من العزا ..
صالح :: طيب ... أمل ..
أمل ترد عليه وهي حاطة رجل على رجل ممدتهم على الطاولة وهي تعلك وتحوس بأظافرها :: نعم ..
صالح يطالعها .. وده يقوم يكفخها بس ما فيه قوة .. ما فيه حيل :: انتي بتعيشين في بيتي مع داليا .. فجهزي لك كم غرض حق اليوم .. وبكرة ترجعين تاخذين باقي أغراضك ..
أمل :: لا والله !! هو كيفك تفكر !! انا بروح أعيش مع أسيل ..
طبعا هي اختارت اسيل عشانها ام الفلوس والخير .. ورح تعيش فوووق مثل ما كانت تحلم ..
اسيل :: ايه انا قلت لمشعل إنها أختي جاية تعيش معاي ..
صالح :: لا .. انا قلت اختي تعيش معاي في بيتي احسن من تعيش في بيت زوج اختها .. انا وين رحت ..
أم حسين تقاطعهم :: انا بمشي .. وباقي أيام العزا ما رح اقدر احضرها عندي شغل كثير .. اعذروني .. وقولوا للحريم تعبانة لو اجوا واحد سأل عني ..
أميرة :: تاخذيني معاك ؟؟
ام حسين :: ايه يالله ... مع السلامة ..
طلعوا أم حسين وأميرة تاركين صالح وأسيل وأمل في نزاع ..
امل :: ايه انا ابي اعيش مع اسيل وزوجها الراقي مشعل .. مو مع القرف انت وزوجتك !!
صالح مررة ماله مزاجها ..
داليا تهدي الوضع وتحاكي صالح :: خلاص .. اتركها براحتها الليلة .. ولمن تخلص أيام العزا يصير خير ..
صالح سمع لها .. وتركهم وكشى مع زوجته يمرون فارس ويرجعون للبيت ..
وأمل أخذت كل أغراضها وراحت مع أختها لبيت مشعل ..
...............................................................

وهذا كان البارت الخامس ....
>> اظن Very Happy

عدد الرسائل : 1252 العمر : 31 my mms :

جوناااااااااااااان
مرررة نايس البارت وننتظر الباقي
تسلم يدك

عدد الرسائل : 1252 العمر : 31 my mms :

فينك معذبتهم

يسلمووووووووووووووووو

عدد الرسائل : 325 العمر : 36

يسلموووووو معذبتهم
شكلها أمل وراها مصايب..... affraid

.....
بسرعة نزلي البارت الجاي... خلينا نشوف شسالفة scratch

؟

عدد الرسائل : 2641 العمر : 33

تسلمووون كلكم يا حلوين على قراءتكم لقصتي ..
بحبكم كتير ..
بس إنو دايم إنسى روايتي ..
يالله هذا رح يوصل لكم البارت السادس ..
و.......
انشالله يعجبكم ..
^_^

عدد الرسائل : 2641 العمر : 33

البارت السادس ..
>> وانتوا بسلامة ^_^

ماجد :: كاهم هناك ..
رنيم :: وينهم ما شفتهم ؟؟
ماجد ياشر لها على راشد وتسنيم اللي لبست برقعها :: هنااااك .. هذااك راشد ..
رنيم وهي تطالع مكان ما اشر :: ايييه شفتهم ..
التقوا ماجد وزوجته بأخوه ورنيم .. وسلموا على بعض .. ركبوا السيارة ورجعوا للسعودية لأن طيارتهم كانت على مطار البحرين ..
وصلوا لبيت أبو راشد بعد ساعة ونص تقريبا مشوار البحرين ..
نزلوا وتسنيم خايفة مووت .. رنيم ما كانت تبي تكوت موجودة .. بس مو قادرة تقول لماجد يرجعها .. فضغطت على نفسها وظلت ..
دخلوا .. وأولهم راشد .. لقا قباله أمه .. وأبوه .. وعياله .. وسارة ..
محد كلمه .. كلهم يطالعوه كأنه مسوي أكبر غلط بالدنيا ..
تسنيم وراه وجنبها أختها ..
ماجد عداهم ودخل .. سلم ووقف على جنب ..
راشد :: هذي زوجتي .. تسنيم ..
ولاحد سوا شي ..
غير أم راشد اللي تعبت حالها وردت :: هلا ..
سارة حددها معصبة .. ومقهوورة .. متأثرة بفاطمة كيف حالتها .. وهي اللي تحب راشد وتموت فيه ..
راشد عصب من هالحركة :: وين حجرتنا ؟؟
سما قامت له بعصبية .. وتضرب على بطنه :: انت حمار .. حمااار ..
وهي تبكي مو قادرة تمسك أعصابها وهي تشوف أمها مجروحة منه .. وهو حايب وحدة غريبة بعد تسكن معاهم وتعيش بينهم .. وبصفتها ايش .. زوجة ابوهم ..
راشد مسك ايادي سما بلطف وبعدها عنه ..
شاف سمير كيف قاعد بعيد .. يحس فيه يطالعه بنظرات احتقار بس مطنش ..
ام راشد :: حجرتك هي نفسها اللي كانت حجرك قبل تتزوج .. عدلناها ..
راشد :: تسلمين يمه .. يالله تسنيم ..
وركبت وراه وهي ساكتة .. معور قلبها الوضع ..
ركبوا ..
سارة بعصبية تكلم ماجد :: هذا ليش ما مات !َ! ليش ما طاحت فيه الطيارة .. انت ليش تجيبه هنا ماجد ليش .. انت لهالدرجة تكره فاطمة !!
ماجد مسك سارة من زنودها :: خلاص .. هدي .. وش ذا الكلام اللي تقولينه ..!!
سارة تفك ايدينه منها :: وخر عني .. إذا انت معاه لا انا اختك ولا ابيك ..
ماجد :: آآف يا سارة .. خلاص عاد .. مو لهالدرجة انتي ..
سارة تستغرب ردة فعل ماجد :: انت شفيك !! يعني انت ما تفهم ايش يعني فاطمة بالنسبة لي .. ما تفهم إنها اللي عاشت معاي وهي اللي كانت لي الأم .. هي اللي كنت أروح لها لما أتألم ولما أتعب ..
ماجد سكت .. ورنيم تطالع في سارة .. حدددها متأثرة ودموعها على خدها .. يعني لهالدرجة تعلق سارة بفاطمة .. لهالدرجة تسنيم رح تأثر بحياتهم !!!
ماجد :: خلاص سارة ..
سارة :: وخر عني خلاص ..
أم راشد بحزم :: سارة خلاص .. هذا اللي صار وبكيك ما رح يسوي شي .. وأخوك وحريمه يتصرفون بعدين .. انتي ما دخلك تتبكبكين هنا ..
ومشت أم راشد اللي تنرفزت من الوضع ..
أبو راشد كان قاعد ومعاه سما وسمير اللي ما طلعوا أي ردة فعل .. خلاص انتهوا من العصبية والنرفزة .. والحين فهموا إن أي شي يسووه ما رح يغير من الوضع ..
وفاطمة .. قاعدة بحجرتها .. معاها رنا نايمة .. مو عارفة وش تسوي .. ضعفت .. كانت رح تصده وتنتهي .. وتخللص من الحكاية .. تطلب الطلاق تخرب عليه .. تسوي أي شي ..
بس مو قادرة .. هي مشتاقة له .. مشتاااقة له حييل .. تسمع صوته من تحت .. وتحس بالحنين له ..
يا ربييييي .. كيف أشتاق له واتمنى اشوفه واضمه .. وهو تاركني وعايفني .. وماخذ علي .. جاب ضرتي فوقي لهنا لعندي ..
وبدون سبب .. ماذكر إني زعلته .. ولا سويت له اللي ما يعجبه .. تركت مستقبلي كلله وتركت دراساتي وشغلي .. وتفرغت له .. جبت له العيال اللي يبيهم ..
صرت خداامة له .. وأنا مبسوطة ومرتاحة .. مريحته طول الوقت .. حتى مع أهله ما عندي مشاكل ..
ما اتشرط ..و لا حتى السفر اطلبه .. ولاااا شي ..
ليه تسوي فني كذا يا راشد !! لييييش ؟؟ ومشكلتي .... مشتاقة لك ..
.....................................
يمشي وهو لابس بلوزته الكات جاب اللي تموووت عليها لورين .. لونها أخضر عشبي ومكتوب عليه بالأبيض جاب ..
مع برمودا جينز فاتح ..
وقبعة البلوزة على راسه .. على زنده ملفوفه لفة الآيبود .. والسماعات بأذنه .. ويجري بالممشى ..
برووحه وما معاه أحد .. يفكر كيف رح يتقدم لها ويطلبها .. كيف تكون طريقته جديدة وما تنساها للأبد .. وتعجبها ..
ما يدري .. هي تحب الحركات والأشياء الجديدة ..
بس هو يظل مو متعوود على كذا أشياء ومو خبير فيها .. وما يدري وش الصح .. يعن يممكن إنه يستعين بسامو ..
بس حتى سامو .. مثله مثل دانيال .. ما يفهم ..
.......................................
:: ليه ما تردين علي ؟؟
:: كذا .. مزااجي كذا ..
:: والله !!
:: ايه .. خير احمد ربك هالمرة رفعت .. وش تبي ؟؟
:: شفيك اليوم ؟؟
:: ما فيني شي .. انت إذا ما تبي شي خليني اسكر لو سمحت ..
:: هيييه لحظة مو ع المزاج القصة .. متى ما بغيتي ومتى بغيتي ..
:: خير خير !! علي .. اسمعني زين .. مو أنا اللي تحكي معها كذا .. خلاص كفاية ..
ريما تغبنت شوي واختنق صوتها بصراخهم على بعض .. أول مررررة يرفع صوته عليها ..
علي :: ريما اسمعيني .. انتي مو شي فوق الناس .. انتي مثلك مثل غيرك .. تكلميني واكلمك .. ولما يصير وقت إننا نوقف هالمكالمات هذي لازم يكون القرار مننا حنا الاثنين ..
موب انتي تجيب وتقفلين بوجهي الخط وللا تعطيني اقنور وللا مدري ايش .. وبالآخر بعد تعصبين ..
ريما حست حالها بتنفجر .. أحد غريب يكلمها كذا .. خافت منه .. بس لا ليش الخوف وهو ما يعرف عنها ولاااا شي غير اسمها الأول وبسسسسس ..
ريما :: طيب .. هالحين وش تبي ..؟؟
علي وبنبرة حنان :: انتي بالأول لا تبكين ..
ريما بدموع :: كيف ماابكي وانت تكلمني كذا ..!!
علي :: خلاص طيب .. أنا آسف .. بس لأني حتى مو فاهم ليه انتي مطنشتني وتاركتني وحيييد .. صار عندي عزا ...
ريما :: يممه .. عزا مين ؟؟
علي بهدوووء :: أم صاحبي .. وكان عزا جااامد .. وكنت لما ابي ارتاح ابي اسمع صوتك .. ابي القاك حتى لو ع المسن بس ماااكو .. يعني عذرتك بماليزيا بس ردي علي ع الأقل ..
ريما :: ................
علي :: انتي ليش زعلانة ؟؟
ريما حست هالحين بسخافتها :: لأنك تسكر الخط بوجهي وتقفل الموبايل .. وللا عامل حالك مو فاكر ؟؟
علي متفاجئ :: أنااااااااااا ؟؟!؟؟؟؟!!!!!!!؟؟!
ريما :: ايه انت .. اجل الجني !!
علي :: والله العظيم مو انا .. اقسم بالله يا ريما إني ما قفلت الخط بوجهك ولا سويت شي ..
ريما :: اجل مين اللي قفل بوجهي وعطاني اقنور بعدين لقيت الجوال مقفل ..
علي بصدق :: ريما والله العظيم ما اكذب عليك إنها سافين .. والله محد يسويها غيرها ..
ريما :: من ذي سافين بعد ؟؟
علي :: خدامتنا يا حبيبتي ..
ريما :: ايه العب علي بهالكلمتين ..
علي :: ترا والله لو تبين تكلمينها وترتاحين .. اعطك تكلمينها .. هذي خدامتنا من مليووون سنة .. وتلاقيها تجاكرني وتقفل جوالي ..
ريما مو مهتمة كثير عشان كذا مو لازم تكبر الموضوع :: لا خلاص .. مصدقتك ..
علي :: يعني رجعنا سكر وحلوين !!
ريما :: اممم ..
علي بهدوء وصوت خفيف يذبح :: وينك هالحين حبيبي ؟؟
ريما صووته يخليها تذووووب :: انا في جنتنغ .. بين الغيوم ..
علي رايح ماليزيا قبل :: رحتي للأوت دور ثيم بارك ؟
ريما :: انا الحين فيه ..
علي :: طيب حبيبي .. لو تبين شي .. لو احتجتي شي .. فاهمتني !! بس عطيني رقم حسابك .. أحول لك ..
ريما :: لا مشكوور .. باباتي مو مقصر ..
علي :: ع العموم .. انا دائما موجود ..
ريما :: اووكي ..
علي :: ريما ..
ريما :: هلا ..
علي :: اشتقت لك ..
ريما تضحك ..
......................................

عدد الرسائل : 2641 العمر : 33

......................................

سيف داري إنها سافرت .. قلبه شوي ويطلع .. مو قادر يركد .. يحاتيها .. من أسبوع تقريبا راحت .. بس ما سمع لها صوت ولا لقى منها خبر ..
ويييينها !! معقول صار لها شي ؟؟ ما ترد .. ما تبيني !! شفيها ؟؟
بس أنا أحبهااااا ..
لازم اتصرف .. اللي يحب ما ينسى .. مقدر انساها .. مقدررر ..
اتصل سيف على ريما .. كان الوقت عندها بالصباح شوي .. و كانت تتمشى بروحها بالأوت دور ثيم بارك .. علي يحبه مووت .. ومستحيل يروح ماليزيا وما يروح هناك .. في جنتنغ والجو بارد وما تشوف قدامك من الغيم .. أحلى شي ..
تمشي .. وهي لابسة بنطلون بيج واسع .. وقميص أسود كم .. فوقه بلوزة حرير طويلة شوي ملونة ..
مع فلات شوز .. وحجاب أسود .. الشنطة على كتفها .. حاملة بيدها كوب الكوفي .. وتمشي ..
ما تلعب .. لأنها ما تحب تلعب بروحها .. أقبح شي السفر كذا .. هي عارفة الوضعية مو جديدة عليها .. بس مع ذلك تسافر كللل مررة على أمل إنها تطلع غير .. بس نفس الشي .. دااايم تمل .. وتعبي وقتها بالتلفون مع علي لأنه يكون رايح لمعظم الأماكن مع الشباب .. خبركم .. وحيد امه وابوه والمدلل ..
رن جوالها ... أكيد علي ومن غيره اللي يتصل كل دقيقة عشان يشاركها أدق تفاصيل المكان اللي هي فيه ..
جوالها معتفس .. وما تطلع الأسماء مع الأرقام اللي تتصل .. يعني يطلع بس الرقم ..
رفعت على طول .. مافي داعي تطالع بالرقم وهي مو حافظه شي ..
ريما :: هلوو ..
سيف بصوت مخنووق :: ريما ...
ريما وقتها اختنقت .. مو عارفة كيف ترد .. ما توقعته سييييف :: قلت لك اسمي حنان ..
سيف بهدوء :: بس انا عاجبني عليك ريما ..
ريما سكتت .. كأنه متأكد إن اسمها ريما ...
سيف :: كيفك ؟؟
ريما ما تقدر تسكر بوجهه .. قلبها ما يطاوعها :: تمام ..
سيف :: وانا مو تمام .. مع انك ما سألتي عني ..
ريما سااااااكتة .. قد ايش طيب هالإنسان .. على كل اللي سوته فيه .. على كثر ما تجرح فيه .. ظل متمسك فيها .. مو قادر يتركها .. مسامحها .. يبي بس صووتها .. مو طالب كثير .. ولا طماع ..
سيف :: ريما !!
ريما :: نعم ؟؟
سيف :: حالي بدونك تعب .. احساسي اني اوقف عند دريشتك وانتي مو وراها يعذبني ..
ريما وين تقدر تسمع كذا كلام من واحد سعوووودي .. البنت شوي وتخق .. بس لا .. هي شعارها في الحياة
"" وي نفر نخق "" (( ما نخق أبدا ))
سيف :: ريما أحبك ...
ريما بعدها ساكتة ... تنكمش على حالها تبي تدفا .. تشرب من الكوفي اللي بيدها .. خلاص برررد وصااار ثلج ..
راحت تقعد على طاولات الكوفي شوب اللي برا .. لأن أصلا مافي دااخل .. بتموووت من البرد ..
سيف :: عارف انك تحبيني ..
ريما حست بتعب .. حست إنها خلاص ما تبي تكابر .. ولا تبي تحبس دموعها .. كفاااية تمثيييل ..
اجا وقت اللي تحصل لها تكلمه بصدق .. بدون لعب ولا لف ولا دوران ..
:: سيف تعبت .. خلاص كفاااية علي ..
سييف ما صدق على الله تكلمت .. بس استغرب .. شفيها !! حبيبته تعبانة .. لا هو كذاا يموووت :: شفيك حبيبتي ..؟
ريما بهدوء :: لا تقول لي حبيبتي ..
سيف متعود عليها .. مو اول مرة تطلب منه هالطلب :: طيب .. شفيك ؟؟
ريما :: احس ابي اشوفك هالحين .. احس حالي ابي ابكي .. ابي اضمـ .....
بكت ريما .. من زمان ما حست كذا .. دايم تكابر على حالها .. حتى بينها وبين نفسها ما تعترف بإحساسها ..
تختار الشعور اللي يعجبها وتعيشه ..
بوسط ألمها ممكن تناطط وترقص ..
ليش تبين نعبها !! ما رح يغير شي .. غير إنها رح تظل مسطحة ع السرير مثل العاجزين ..
تبي تضم .. تبي تضمه !! وللا تضم أي احد ؟؟
سيف :: ريما .. أنا معاك .. صدقيني .. تخيليني بجبنك .. صوتي وياك وين ما تروحي ...
ريما :: خلاص انا لازم اسكر ..
وقفلت ريما الخط ..
تعبت من الوضعية .. ساعة تمثل .. ومررة تنهار .. مررة تكابر على نفسها .. ومررة تنصدم بنفسيتها اللي تنكشف ..
مسحت دموعها الباردة من برودة الجو .. وقامت تمشي .. وبيدها كوب قهوة ثاني طلبته ..
تمشي .. لازم تلعب شوي وتريح حالها ..
راحت للعبة .. شكلها خطييرة .. حلوة ..
تمام كذا .. وماليزياا ألعباهم أي كلام .. يا رب تطيح فيها وللا تتعطل . تحترق وتمووت .. يااا رب ..
ليه تدعي على حالها !!
لأنها مو فاهمة لنفسها .. تعيش .. ما تدري هي كيف ..
ساعات تعيش وهي تتصرف مثل الولد ... مع نعومتها وحلاتها .. ساعات تتصور حالها ولد ..
يمكن غصب عنها من كثر ما كان ابوها يعاملها كأنها وريثته بالحياة .. صارت تحس وضعيتها ما تجي إلا لولد ..
تكلم علي .. اللي توسط لها ودخلها جامعة الفيصل طب ..
واللي تلعب عليه .. تمثل عليه غيرتها ودموعها ..
ما تدري هو صح اللي تسويه وللا لأ .. خاصة ومستقبلها كلله بيده ..
ببساطة مثل ما دخلها الجامعة يطلعها .... تخاف منه .. ما تدري ليه ..
وسيف !! وش نقول عن سيف اللي ماااكل كللل عقلها ..
تحبه وتعشقه بجنون .. إنسان ببساطة بدوي ..
يعني ما يفهم بشي .. ما قد طلع من بلاده .. عايش بين هالبران ..
كلامه .. حبه .. غيرته .. كل شي فيه بدوووي .. حتى شكله وصوته ..
بس يجنن .. حنون وطيب .. وجميل .. كفاية عليه يعرف للنت والمسن ..
تحببه .. لأنه حبها بصدق .. يحبها للنخاع .. حب بدوي عفيف .. ما فيه حركات عيال هاليومين ..
ابي اشوفك .. ابي اطلع معك .. ابي وابي وابي .. هو يعطي ما يقول ابي .. هو كفاية عليه يسمع صوتها ..
تحس حالها ما تستاهله .. عارفة ابوها مستحيل يرضى بأي علاقة لها معاه ..
ما في داعي تكبر الموضوع بعدين يتحطم أكثر وأكثر ..
....................................................................
راشد توه دخل حجرته مع تسنيم ..
دخل حط أغراضه .. طالع ع الحجرة مع تسنيم .. دلاها ع مكان كل شي .
بعدها اجا بيطلع ..
تسنيم :: وين رايح ؟
راشد :: بروح لفاطمة ..
تسنيم حست حالها تنجرح .. من الحين !! انتظر شوي .. اقعد معاي شوي .. على طول بروح لها ..
طلع راشد من حجرة تسنيم .. وراح ركض لفاطمة ..
دخل .. لقاها قاعدة السرير .. تطبطب على رنا عشان ترجع تنام ..
ومعطيته ظهرها ..
راشد :: فطوم ..
فاطمة سمعت صوته .. حست حالها تختنق .. هالصوت يذبحها .. هالصوت اشتاقت له موووت .. هالصوت ما تقدر تعيش بدونه ..
سكتت .. تركته يمشي لعندها .. قعد وراها .. صارت تحس بقشعريرة بجسمها من قرببه لها ..
راشد حط يده على كتفها :: يعني ما تبيني اشوفك !!
فاطمة ما تقدر تصده .. تقدر تسوي أي شي .. بس بوجه راشد اللي تحبه لا .. تمووت قدامها ..
في قلبها جرح منه ما يبرا .. بس ماتقدر تكسر بخاطره .. وهي تدري إنه يحبها ... بس ليه هالحركة مدري ..
راشد وهو يلف وجهها لعنده :: فطوم ..!!
لفت .. شاف وجهها .. وأنفها وتحت عينها أحمر .. من الدموع والبكي .. تعبانة باين عليها ..
راشد مسك يديها الباردة .. بهالوقت السعودية بررد ..
راشد :: فاطمة انا آسف ..
فاطمة بعدت نظرها عنه ما تبي تبكي .. ولا رح تبكي .. خلاص انتهينا من هالذل ..
راشد يشوفها .. يمووت إذا لفت عنه حبيبته فاطمة :: حبيتي والله آسف .. والله أحبك انتي .. فاطمة اسمعيني ..
فاطمة بعدت ايده عنها ..وصوتها مخنوق وخفيف :: خلاص روح لها ...
راشد :: الليلة ببات عندك .. مشتاق لك ..
فاطمة :: راشد رووح خلاص .. رووح خلااااص والله مقدر اشوفك .. مقدر اشوف وجهك .. مابيك خلاص .. لا تجبرني عليك .. عفتك .. عفتك يا راشد ..
راشد ينجرح من كلامها .. عفتك .. مقدر اشوف وجهك .. مابيك .. ليه كذا يا فاطمة .. هذا وانتي الحنونة ..
راشد فهى .. مو فطوووم الحنونة تقول هالكلام :: بس انا احبك .. انتي زوجتي وام عيالي .. انتي ام سمسم .. انتي اللي ما اعيش بدونك .. انتي اول من حبيته بحياتي .. انتي كل شي عندي ..
فاطمة تدري إن هالكلام من قلبه .. تدري إنه مو قاعد يكذب .. بس لييييييييه تتزوج يا رااااشد ليييه ؟؟
راشد وقف وراها :: فاطمة .... سامحيني ..
هذا الرجال .. يغلط ويجرح .. ويقطع قلبها .. بعدها ببساطة .. سامحيني !!!!
فاطمة تطالع فيه ... عيونه كلها رجاء .. تعرفه ما رح يطلع ليما ترضى .. بس كيييييف ترضى .. كيييف ترضى وهو تزوج علييها .. وبدوووون سبب ..
....................................

عدد الرسائل : 2641 العمر : 33

أسيل :: مولاني .. هذي حجرتك اوكي !!
أمل بعين دفتوووحة ع الآآآآخر :: يمممممه .. هذي مو حجرة .. هذي لحالها قد بيتنا القديم ..
أسيل تضحك :: حلالك حبيبتي .. كل اللي تحبينه بداخل .. ولو قاصرك شي .. بس اتصلي ع الخدامة ليانا .. تجيك .. وتسوي لك اللي تبين .. ولو تبين أي شي من برا .. السواق جوني موجود .. والخدامة تروح معاك .. وانا موجودة .. وقت ما تبيني .. تعرفين وين تلاقيني ..
أمل تضم أختها :: تسلمي لي والله ..
أسيل تضحك :: الخدمات هنا ترا 24 ساعة .. يعني عيشي طووول حياتك كأنك بفندق ..
أمل :: بس اقول .. مشعل متى يجي ؟؟
أسيل :: شوشو يتأخر بشغله .. لا تخافين .. ما رح تلتقين فيه إلا بموعد مدبر .. لا تقلقين ..
.................................
قاعد بحجرته .. خلصت أيام العزا وبعده مو قادر يطلع من الجو .. حزنه باين عليه .. ما ياكل .. ما يشرب .. دموعه تطيح بدون شعووور ..
داليا مو قااااادرة تتصرف .. تعبت تشوف حالته .. ما يبي حتى يشووف ولده .. خواته ساعات يقعد معاهم شوي ..
أمل وأسيل اختفوا .. وما اجوا من ذاك اليوم لما مشت امل مع اسيل ..
أم حسين وأميرة يجوون ساعات .. اميرة اكثر لأنها فااااضية ..
داليا وهي قاعدة بجنبه على السرير :: حبيبي .. عشاني .. ارتاح شوي .. كل لك شي ..سويت لك شوربة .. شي خفيف ..
صالح بهدوء :: مابي شي ..
داليا :: صالح هذي حكمة الله وهذا أمره .. ما تقدر تعترض .. لو ما أكلت لو ما نمت .. لو اييش .. ولاشي رح يغير اللي صار .. حبيبي .. سلم أمرك لله ..
صالح نزلت دموعه .. بعده صغييير .. بعده يحتاااج الأم واختفت بين يوم وليلة ..
داليا ضمته .. حط راسه على صدرها .. يبي يرتاح عندها .. خلاااااص ما في غيرها اللي تريحه .. واللي تعطيه حنانها .. واللي تكون له الزوجة والأم والأب وكلل شي بالحياة ..
دلوووووعته ..
انسدحوا اهم الاثنين ع السرير .. وبعدهم ضامين بعض .. وصالح عند زوجته .. يطلع كلل اللي فيه من دموووع ..
كلامها صح .. ما يصير يعمل كذا .. صار لها من توفت اسبوع .. وهو على نفس هالحال ..
لازم يكمل حياته ,,
....................................
:: اقووووووووول ..
:: قولي ..
:: اقول اقول جد !!
يضحك :: شفيك اليوم !! قولي والله قولي..
تفكر :: مدري يمكن ما اقول ..
رافع حاجبه :: دااايخة انتي !
تضحك على حالها مو صاحية هاليومين :: ايه بالله ودااايخة مليوووون ..
:: لا واضح ..
:: طيب .. هالحين تبيني اقول وللا لأ ؟؟
ناصر :: حنووووووون .. قوووولي يالله ..
حنين :: أحبببببك ..
ناصر تفاجأ .. أول مرررة تقولها له ..
...................................................

» خل غيري ينفعك ...
» بكيت وصارت الدنيا قفص ...!!!
» أنا سميتك الدنيا وأنت وش تسميني .؟!
» عجائب الدنيا السبع بنظر طفله .!!!!!!