غشيم وتوك صغيّر على دنيا الهوى وش جاك ؟!
وشوري يا صغير السن تخلي الحـب وجنونـه
ترى درب الهوى شايك لا بتقوى على الأشـواك
نصيحه 00 إترك أشواك الهوى للـي يعرفونـه
تهنّا بعمـرك الـوردي وريّـح قلبـك ودنيـاك
وجنّب كل دورب العشق 00أبد لا تقترب دونـه
تحسْب إن الهوى لعبه ؟! تناسا حلمك وهقـواك
بتشرب من مرار الويـل إذا مـا تتقـن فنونـه
وتسهر ليلك تعانـي ودمعـات القهـر تعصـاك
وتلقا نفسك لحالك ولا من يسـأل : شلونـه ؟!
وتدري ان الهوى بلوه وتكره من يبـي فرقـاك
وهو أول يبـي قربـك ولـوك تطلـب عيونـه
حرام تعاني وتـوك صغيـر ومثلـك وشـرواك
هله - من صغره - بأحلى دلع لاسمه ينادونـه
يلبى بكل ما يامر ولا يسمع سوى : ( يفـداك )
ولو يطلب نجوم الليل ؟ بعـز الظهـر يلبونـه !
صغير السن يا حليلك 00 وألا يامطيبك واغباك
وهبت احساسك لواحد عجز لـو مـره يصونـه
أنا ادري ان كلامي قاسي وكثـر العتـب بكـاك
ولكن قلبي ما يقسا علـى اللـي مـا يهمونـه
