تعالي لعنبو ظرف ٍ وقف من دون لا تاتين
تعالي كم أنا مشتـاق أضمك يـا بعد عيني
صحيح ان الزمن دواروصحيح الوقت هذا دين
عقب ذاكـ اللقا الحين وين انتي وأنـا ويني
ألا يا سيدة جرحي عسى ما به حزن تشكين
وعسى ما للفراق جـروح تهزك يوم تطريني
ألا يا عـز من مر الخفوق وشافتـه هالعـين
على عهد الهوى باقي ولو خانت بي سنيني
لـ جل عينك هـمل دمعي مثل منتي علي تبكين
وابد ما وسـوست نفسي وقلت انكـ نسيتيني
أعرفك زين ياعمري مثل عطـر المسا توفين
بخيله حيل بحضروك ولكنك تحبيني
صحيح الوقت قفابكـ وعلمي في لقاكي سنين
ولكن طيفكـ بدمي جرى بأقصى شراييني
أشـم عطرك بمنديل ٍ سرقته دون لا تدرين
أحسك فيه وأنا ادري اذا حسـك تحسيني
أضم سلسالك بيدي وأقول انت ٍ يا عمري وين
وانا ادري في كنف غيري سكنتي لـوعشقتيني
أناظر صورتكـ وادري عليها منكتب حـرفين
وانا اذكر كم قلتيلي أمانه يوم تعطيـني
أناظرها في كل ليله من فراقك إلا هالحين
وأقـول الله يجـمعنا وانا ادري وينـك ويني
أمانه وان مرق طيفي على بالكـ فلا تبكين
وابد لا ياخذك هم ٍ سكن من غيبتك فينـي
قدر مكتوب والدنيا مثل ما قلتلك هي دين
وحان اللحين ياعمري نوفـي دينك ودينـي
